.

Sonra ilahiyyatçı, araşdırmaçı-yazar Azər Elşadoğlu "Şəhid Mürtəza Mütəhhərinin tanıtdığı İmam Əli (ə)" adlı məruzəsilə çıxış edərək, bir sıra maraqlı mətləblərə toxunub. A.Elşadoğlu həmçinin Şəhid Mütəhhərinin "Əlinin (ə) cazibə və dafiəsi" adlı kitabının təsiri ilə yazdığı yazısını da təqdim edib.

Məruzədən sonra seminar iştirakçıları İmam Əliyə (ə) həsr edilmiş videoçarxa tamaşa ediblər.  

Daha sonra araşdırmaçı-yazar Mətləb Həmzəli "İmam Əli (ə): iki qütblü insan" adlı məruzəsini təqdim edib. Gənc maarifçi, şəhid üstad Mütəhhəri irsində İmam Əlini (ə) həyatın bütün səhnələrinin qəhrəmanı kimi necə tanıyırıqsa, eləcə də bu irsdə onun adi bəşər kimi gündəlik həyatında da zarafatcıl, xoş xasiyyətli və həlim olmasının da anlaşıldığını diqqətə çatdırıb.    

Məruzələrdən sonra seminarda açıq müzakirələr baş tutub. Şəhid Mütəhhərinin bənzərsiz irsi ilə yanaşı, onun nəzərindən İmam Əli (ə) haqqında fikirlərini bölüşən gənclər maraqlı fikirləri ilə seminarı daha da zənginləşdiriblər.