Ölən və yaralananların çoxu təşkilatın işçiləridir!
İslamazeri.az-ın İraq KİV-inə istinadən verdiyi xəbərə görə,
İraqın paytaxtı Bağdadda səhər saatlarında partlayıcı qurğu
yerləşdirilmiş bir avtomobil ilə "Şiə Divanı" təşkilatına yönəlmiş
terror aktında 13 nəfər dünyasını dəyişib. Bağdadın mərkəzində
olan Bab Əl-Muazzam bölgəsindəki "Şiə Divanı" təşkilatının binası
qarşısında dayanmış halda olan avtomobil saat 10:45-də (yerli vaxtla
11:15) partladılıb.
Terror aktı nəticəsində 50-dən çox mülkü vətəndaş xəsarət alıb.
Polis, təşkilatın binasının istifadəsiz hala düşdüyünü bildirib.
Təşkilatdan verilən məlumata görə, ölən və yaralananların əksəriyyəti təşkilatın işçiləridir.
Xatırladaq
ki, son zamanlar "Sünni Divanı" təşkilatı ilə "Şiə Divanı" təşkilatları
arasında münaqişə yaranmışdı. Belə ki, "Sünni Divanı" təşkilatı,
Bağdadın mərkəzindəki Asifiyə məscidinin və Samirra şəhərində yerləşən
İmam Hadi (ə) və İmam Həsən Əsgərinin (ə) məzarlarının yerləşdiyi
müqəddəs türbənin keçmişdə olduğu kimi yenidən "Sünni Divanı"
təşkilatının idarəsinə verilməsini tələb edirdi.
islamazeri.az
|