Onlar 5 sutkalıq azadlıqdan məhrum edilib!
Daxili İşlər Nazirliyinin mətbuat xidməti "Parlayan Günəş”
nəşriyyatının əməkdaşları Nurman Şahmərdanlı, Qabil Şahmərdanov və
İsmayıl Süleymanov, həmçinin Rizvan İsmayılovun tutulması faktını
təsdiqləyib. Mətbuat xidmətinin şöbə rəisi Orxan Mansurzadə
"Media forum” saytına deyib ki, həmin şəxslər İnzibati Xətalar
Məcəlləsinin 310-cu maddəsi ilə (polis işçisinin və ya hərbi qulluqçunun
qanuni tələbinə qəsdən tabe olmama) cəzalandırılıblar: "Nizami Rayon
Məhkəməsinin qərarı ilə onlar 5 sutkalıq inzibati həbs cəzası alıblar”.
İnzibati
qaydada cəzalandırılan şəxslərin niyə DİN-in Baş Mütəşəkkil
Cinayətkarlıqla Mübarizə İdarəsində saxlanmasına gəlincə, Orxan
Mansurzadə deyib: "Bu, idarəyə daxil olmuş əməliyyat məlumatlarının
yoxlanması məqsədi güdür. Onların Baş Mütəşəkkil Cinayətkarlıqla
Mübarizə İdarəsində saxlanması ətrafında hər hansı ajiotaj yaratmağa,
yaxud səs-küy yaratmağa heç bir ehtiyac yoxdur”.
islamazeri.az
|