Yer üzündə 7 milyard 68 milyon 607 min 554 insan yaşayır. Bunlardan 1 milyard 757 milyon 292 min 623-ü müsəlmandır.
Müsəlmanlar dünyada öz mövqeyini möhkəmlətməyə davam edir. Planetin
bütün bucaqlarında müsəlmanların sayının artması bunun göstəricisidir.
Hazırda salamnews-un məlumatına görə, islam dininə sitayiş edənlərin
sayı, həmçinin onların dünya ölkələri üzrə faizi ilə bağlı məlumatı
sizlərə təqdim edirik.
Əldə olunmuş rəqəmlərə görə, Yer üzündə 7
milyard 68 milyon 607 min 554 insan yaşayır. Bunlardan 1 milyard 757
milyon 292 min 623-ü müsəlmandır. Faiz hesablamalarına əsasən, praktiki
olaraq planetdə yaşayan hər dörd insandan biri müsəlmandır (dəqiq rəqəm –
24,86%).
Regionlar üzrə müsəlmanlar bu cür bölünüb: ən çox
müsəlman Asiyada yaşayır (1 milyard 179 milyon), sonra Afrika ( 518
milyondan çox), Avropa (təqribən 50 milyon), Şimali və Cənubi Amerika
(10 milyondan çox), Avstraliya və Okeaniya (0,7 milyon).
Müsəlmanlar
39 ölkədə əhalinin böyük əksəriyyətini (80%-ni), 13 ölkədə isə
əksəriyyət (50-79%) təşkil edir. 15 ölkədə müsəlmanlar mühüm rol
oynayırlar (20-49%). İslam dininə sitaiş edənlər 33 dövlətdə azlıq
şəklində yaşayırlar (5-19%). Dünyanın 40 ölkəsində müsəlmanlar azlıq
təşkil edir (1,0-4,9%), 57 dövlətdə isə ayrı-ayrı islam icmaları
formasında təmsil olunur (1%-dən az).
Müsəlmanların mütləq sayı üzrə ölkələrin qabaqcıl onluğu belədir:
İndoneziya – 221 milyon
Hindistan – 177 milyon
Pakistan – 176 milyon
Banqladeş – 144 milyondan çox
Nigeriya – 88 milyondan çox
Misir - 79 milyondan çox
İran -77 milyondan çox
Türkiyə - 74 milyondan çox
Efiopiya - 46 milyondan çox
Əlcəzair - 36 milyondan çox
Sudan,
Çin, İraq, Mərakeş, Əfqanıstan, Səudiyyə Ərəbistanı, Özbəkistan, Yəmən
və Tanzaniyada hər birində 20-30 milyon müsəlman yaşayır.
Ölkədə
yaşayan müsəlmanların ümumi sayına görə ( 18 milyon 500 min insan)
dünyada 21-ci yerdə Rusiya dayanır. Bildirək ki, müsəlmanların sayı
olduqca sürətlə artır, buna Rusiya ənənəvi müsəlman ailələri arasında
yüksək doğum göstəricisi və İslam ölkələri (Orta Asiya, Qazaxıstan və
Azərbaycan) nümayəndələrinin emiqrasiyası səbəb olur.
Əhalinin
2010-cu ildə aparılmış siyahıyalınmaya əsasən, həmin vaxt Rusiyada
təqribən 15 milyon müsəlman yaşayıb. Təbii artım və islam ölkələrindən
olan qeyri-qanuni miqrantların sayının artması (3 milyondan 5 milyona)
nəticəsində hazırda Rusiyanın müsəlman əhalisinin sayı müxtəlif
hesablamalara görə 18 milyondan 21 milyon nəfərdir.
islamazeri.az
|