Dünyanın bir çox ölkələrində hicablılara qarşı təzyiqlər pisləndiyi
halda, belə bir hadisə müsəlman dövləti olan Türkiyədə də baş verib.
Simsar.az-ın xarici mətbuata istinadən xəbərinə görə, Ehsan Sabançı
adına Texniki Qız Liseyində keçirilən məzun günündə məktəb birincisi
Tuğba Dəmir mükafatlandırılacağını gözləsə də, hicablı olduğuna görə,
ona mükafat verilməyib. Digər məzunlar tribunaya çağrılıb və onlara
mükafatlar təqdim olunub. Tuğbaya isə yalnız onları kənardan izləmək
qismət olub. Tədbirdən sonra məzun rəfiqələri ilə birlikdə lisey müdiri
Ayla Afşarın yanında gedərək, niyə mükafatının verilmədiyini soruşub.
Müdir «Geyiminiz məktəbə uyğun olmadığı üçün sizə mükafat verilmədi»-
deyə onun sualını cavablandırıb. Bu da müdriyyətlə tələbələr arasında
münaqişənin yaranmasına səbəb olub. Hətta münaqişə polisə şikayət
edilməsi səviyyəsinə gətirib çıxarıb.
T.Dəmir isə hisslərini belə açıqlayıb: «Mən bir ildir ki, bu ana
hazırlaşıram, amma müdir bunu yaşamağıma imkan vermədi. Dostlarımı da,
məni də məyus etdi».