.

"Rəcəbiyyun biliksevərləri" viktorinasının ilk mərhələsi yekunlaşıb

2012-06-02 17:13:35

Deyerler.org: "Rəcəbiyyun biliksevərləri" viktorinasının ilk mərhələsi artıq geridə qalıb. Qeyd edək ki, viktorinaya maraq xeyli böyükdür. Belə ki, təşkilatçıların açıqladığı rəqəmlərə görə, viktorinada iştirak etmək üçün qeydiyyatdan keçənlərin sayı 200-dən artıq olub.

Viktorinanın birinci mərhələsində iştirakçılara 25 sual təqdim olunub. Bu sullardan ən azı 19-nu doğru cavablandıran 83 nəfər viktorinanın II mərhələsinə keçib. Hazırda yarış iştirakçıları II mərhələdə onlara təqdim olunmuş sualları cavablandırır.

"Rəcəbiyyun biliksevərləri" viktorinasına start verilir

2012-06-02 15:14:54

Deyerler.org: Ötən ay "Fatimiyyə biliksevərləri" bilik viktorinası ilə başlanan yeni maarifçilik ənənəsi davam etdirilir. Bu gün "Pozitiv" Gənclər Platformasının təşəbbüsü və "Dəyərlər" AİN-in informasiya dəstəyi ilə yeni bilik müsabiqəsi "Rəcəbiyyun biliksevərləri" viktorinasına start verilir. 

"Mən elmin şəhəriyəm, Əli - onun qapısıdır"şüarı altında keçirilən bu bilik yarışması, əziz İmamımız Həzrət Əlinin (ə) mübarək mövludu münasibətilə düzənlənir. Mütaliə mədəniyyətinin təşviqi niyyətini rəhbər tutaraq, müsabiqəni konkret kitab əsasında təşkil etmək qərara alınıb. Budəfəki viktorinanın sualları Mehdi Pişvayinin"Məsum İmamların (ə) tarixi" kitabından tərtib edilib.

Mütaliənin daha keyfiyyətli edilməsi, araşdırmanın daha dərin aparılması üçün viktorinanın sualları kitabın hamısını deyil, əvvəldən 178-ci səhifəyədək (İmam Cəfər Sadiqə (ə) aid bölməyədək) olan həcmi əhatə edilib.

Viktorina az öncə başlayıb.
Deyerler.org