Xəbər verdiyimiz kimi ermənilərlə Azərbaycan ordusunun təmas xəttində baş verən hadisə nəticəsində 14 nəfər şəhid olub
İlahiyyatçı Hacı Ramil Bədəlov İslamazeri.az-a münasibət bildirib.
O, saytımıza açıqlamasında qeyd edib ki, “Bu günlər təkcə şəhid verən qardaşlarımızın ailələri üçün deyil, bütün xalqımız üçün matəmdir. Düşmən bir daha beynəlxalq ictimaiyyətin gözü önündə öz mənfur mövqeyini nümayiş etdirməkdədir. Son günlər ərzində Azərbaycanın ərazi bütövlüyü uğrunda şəhid olan əsgərlərimiz həm Allah yanında, həm də xalqımızın qəlbində əbədi həyata qovuşdular. Müqəddəs kitabımız onların ölümsüz olduqlarını bildirir. Onlar vətən uğrunda, müsəlman bir ölkənin ərazi bütövlüyü uğrunda şəhid oldular. İslama bağlı bir millət olaraq, vətənin müdafiəsi hər birimizə vacibdir. Səngərdə xidmət edən əsgərlərimiz şərəfli bir yolda xidmət edirlər. Hər birimiz öz sahəsindən asılı olaraq, bu yolda əlindən gələn dəstəyi əsirgəməməliyik. Bu gün bir müsəlman kimi görməli olduğumuz ən zəruri işlərdən biri gənc nəsil arasında vətənpərvərlik ruhunun gücləndirilməsidir. Vətəni sevmək Allaha imanın göstəricisidir. Şəhid verən ailələrin mənən yanında olmaq hər birimizin borcudur. Xalqımıza bu acı gündə gözəl səbr və dözüm arzu edirəm. Ümidvaram ki, bu torpağa, bu millətə matəm yaşadan hər düşmən tezliklə öz cəzasına çatacaq. “
islamazeri.az
|