İyunun
3-də İran İslam Respublikasının qurucusu İmam Xomeyninin vəfatının
23-cü ildönümü mərasimində çıxış edən dini lider Ayətullah Seyyid Əli
Xamenei İsrail və ABŞ-a qarşı sərt bəyanatlar səsləndirib.
Qərb
ölkələrinin və dünya mediasının İranın nüvə proqramını şişirtdiyini
deyən Xamneyi İsraili təhdid edib: "Sanksiyaların təsiri yoxdur.
Sanksiyalar İran xalqını hərəkətdən saxlaya bilməz. Bu sanksiyaların
İran xalqına yeganə təsiri odur ki, insanların ürəyində Qərbə qarşı
nifrət və düşmənçilik hissini gücləndirir.
Dünya mediası və
siyasi qurumları nüvə gücünə yiyələnmiş İranın təhlükəsindən dəm vurur,
bu təhlükəni şişirdirlər. Mən isə deyirəm ki, onlar yalan danışır,
insanları aldadırlar. Halbuki məsələnin mahiyyəti belə deyil. Onlar
yalandan öz media təbliğatlarında bu təhlükəni qabardırlar. Məqsədləri
isə dünya ictimaiyyətinin zehnini və rəyini Amerikanın özündə və
Avropada baş verənlərdən yayındırmaqdır”.
Ayətullah Xamneyi dünya
mediasında İsrailin İranın nüvə təsisatlarına qarşı mümkün hücumu haqda
yayılan məlumatlara da münasibət bildirib: "Əgər onlar (İsrail) səhv
bir addım atıb xoşagəlməz hərəkət etsələr, onun cavabı ildırım kimi
özlərinə qayıdacaq”./Media forum
Xəbərdən istifadə zamanı Xeber44.Com saytına istinad vacibdir ...!
|