Allahın adı ilə
Dövrümüzdə
müsəlmanları çətinliyə salan məsələlərdən biri də din və siyasətin
bir-birindən ayrı tutulmasıdır. Qeyd etməliyəm ki, müsəlmanların
bilməməzliyindən irəli gələrək bu fikirlə razılaşması, zaman zaman din
düşmənlərinin xeyrinə olub, hökmranlığı ələ keçirərək müsəlmanlara
hegemonluq və zülm etməsinə səbəb olan ümdə dəlillərdən ən əsasıdır.
Tarixə
nəzər saldıqda görərik ki, İslam dini heç vaxt siyasətdən ayrı
olmamışdır. Hz. Muhəmmədin (s) Məkkədən Mədinəyə hicrətindən sonra ilk
gördüyü iş, İslam hökumətini qurmaq oldu. O Həzrət , yaxşı bilirdi ki,
peyğəmbərlərin besətlərinin hədəfləri ( təlim və tərbiyət,ə dalət,
səadət və insanın ucalması) hökumət qurmadan mümkün deyildir. Buna
əsasən Peyğəmbər (s), ilkin fürsətdə Allahın fərmanı ilə hökumətin
sütunlarını qoydu.
O
Həzrət, mühacirlər (Məkkədən hicrət edənlər) və ənsarlardan
(Mədinəlilər) ibarət ordu təşkil etdi. Bu orduda davamlı olaraq hər kəs
(qadınlar,uşaqlar və xəstələri çıxmaq şərti ilə) iştirak etməli idi. Bu
sadə və kiçik ordunun silah, minik və azuqə ilə təmin edilməsinin bir
qismi camaatın, digər qismi isə İslam hökumətinin öhdəsində idi.Hər nə
qədər düşmənlərlə müharibələr artırdısa, bir o qədər də İslam ordusunun
təşkilatçılığı daha geniş və münəzzəm olurdu.
Zəkat
hökmü nazil olduqdan sonra ilk öncə yoxsulların ehtiyaclarının
ödənilməsi və cihad (müharibə) xərclərinin təmin olunması üçün islami"
beytul mal" təşkil olundu. Ardıcıl olaraq şəriət hökümləri nazil
olduqca, İslam hökuməti yeni mərhələlərə qədəm qoymağa başladı.
Bu
vəziyyət Peyğəmbərin (s) vəfatından sonra ilk xəlifələrin dövründə,
hətta Bəni Abbas və Bəni Üməyyə xəlifələrinin zamanında da öz əksini
tapdı. Amma, onlar Allah Rəsulunun xəlifəsi adından istifadə edərək
xalqa hökmranlıq etdilər. Hərçənd ki, onların hökmranlığı zalımcasına və
İslami qanunlar çərçivəsindən kənar idi.
Başqa
bir tərəfdən isə Məsum İmamlara (ə) zor tətbiq olunurdu, məsələn: İmam
Hüseynin (ə) qiyamı, İmam Rzanın (ə) vəliyyi əhdliyi, İmam Kazımın (ə)
zindana atılması, İmam Hadi (ə) və İmam Həsən Əsgərinin (ə) Samirraya
sürgün olunmaları, onları, hökumətə zidd ola biləcək qiyamın
qorxusundan nəzarət altında saxlamaları və s. Bunlar hamısı bütövlükdə
dinin heç zaman siyasətdən ayrı olmadığının nişanələridir. İslami
hökumətin qurulması,İslamın ibtidai və əsaslı məsələlərindən biridir.
Böyük İslam alim və filosofu,İran İslam inqilabının banisi mərhum İmam Xomeyni (r) buyurmuşdur:
İslam
siyasi dindir....İslam bir dindir ki, ibadi əhkamları da siyasidir. Bu
cümə və cümə xütbələri, bayram və bayram xütbələri, bu camaat, Məkkə,
Mina, Ərəfat...bunlar hamısı siyasi bir məsələdirlər. Buna baxmayaraq
ki, ibadi ayindirlər ibadəti siyasət və siyasəti də ibadətdir .
Araşdırsaq
İslamın siyasi əhkamı, onun ibadi əhkamından və siyasi kitabları,
ibadi olan kitablarından çoxluq təşkil edir. Düşmən tərəf dinin
siyasətdən ayrı olduğunu beynimizə yeritmişdir. Amma, o kəslər ki,
İslamı siyasət və hökumətdən ayrı bilirlər, gərək anlasınlar ;
Qurani-kərim və Allah rəsulunun sünnətində olan hökumət və siyasət
əhkamlarına, başqa heç yerdə rast gəlinmir. İslamın ibadi əhkamlarının
əksəriyyəti, siyasi rəmz daşıyır. Peyğəmbər(s) sair dünya hökumətləri
kimi hökumət qurdu. Lakin, ictimai ədalət stimulu ilə.
"Xalqı
siyasət, dərk və siyasi rəftardan uzaq olmaqa çağıran Amerika sayağı
islamdır. Amma İslam, siyasətin əslində dinin ayrılmaz bir hissəsi
olduğunu deyir və bütün müsəlmanları siyasi dərk və əmələ dəvət edir. Bu
vacib nöqtə, gərək həmişə bütün müsəlmanların zehnində olsun!"
Ayətullah Seyyid Əli Xamenei .