.

Şirinli-acılı xatirələrlə dolu həyat qısa insan ömrünü əha­­tə edir. O, hər cür çətinliklə qarşılaşır. Bu inkaredilməz hə­qiqət əsasında isə insan həyatı daim çətinlik və ra­hat­lıq­da olur.

Biz həyatın bu qanununu ürəyimizin istədiyi şəkildə də­yi­şə bilmərik. Lakin həyatla yaxından tanış olduqdan son­ra, yaşadığımız dünyada bizi əhatə edən varlıqlara müsbət mü­nasibət göstərib, dünyadakı hər biri sirli və əsrarəngiz gö­zəlliyə malik olan varlıqlara yönələn mənfi yanaşmaları ara­dan qaldıra bilərik. Yaxud, əksinə, varlıqların  gö­zəl­lik­lə­ri­ni unudub, diqqətimizi onların mənfi cəhətlərinə də yö­nəl­də bilərik. Bir sözlə, hər insan, düşüncəsini istədiyi is­ti­qa­mətə yönəldib, dünyanı öz istədiyi rəngə boyaya bilər.

Həyatda qarşılaşdığımız maneələri aradan qaldırmağa ha­zır olmalı, hər şeydən öncə soyuqqanlılığımızı qoruyub sax­lamalıyıq. Əks təqdirdə, ağır itkilərlə üzləşib, bir çox hal­larda, hətta məhv olub aradan gedə bilərik.

Bəziləri düşünürlər ki, dünyada baş verən hadisələr bir qə­dər fərqli cərəyan etsəydi, xoşbəxt olardılar. Halbuki on­la­rın uğursuzluqları hadisələrin necə baş verməsindən de­yil, onların hadisələrə baxışlarının necəliyindən asılıdır. Çün­­ki xarici amillərin göstərdiyi təsirləri istənilən şəkildə də­yi­şib uğur qazanmaq mümkündür.

Tanınmış yazıçılardan biri belə yazır:

– "Düşüncəmiz na­razılıq çərçivəsindən kənara çıxmır. Hansı şəraitdə ol­ma­ğımızdan asılı olmayaraq, daim gi­ley­lə­nir, narazılığımızı bil­diririk. Bu narazılığın səbəbi bizim öz var­lığımızdadır. İn­san elə varlıqdır ki, cismi, yaxud ru­hi prob­lemi olduqda da­im nəyinsə arzusunda olur. Bəzən nə is­tədiyimizi belə bil­mir, başqalarının xoşbəxt olduğunu dü­şünür, bunun üçün də daxilən əzab çəkir, onlara həsəd apa­rırıq. Var­lı­ğı­mız şıltaq və ağlağan uşaqtək bir an da ol­sun bizi rahat bu­­raxmır. Yalnız bu şıltaq uşağı həqiqəti gör­mə­yə sövq et­di­­yimiz vaxt rahatlıq tapa bilirik. Pislikdən sa­va­yı heç nə gör­məyən bu uşağın gözlərini açıb ona gö­zəl­lik­ləri gös­tər­mə­liyik. O bilməlidir ki, həyat bağında təkcə gö­rənlər gül də­rir, görməyənlər isə özlərini tikanlı kollara tə­rəf atırlar. Höv­sələsizlik və bədbinliyi kənara buraxıb, hər şe­yə olduğu ki­mi nəzər yetirdikdə, bütün dövrlərdə, hətta xe­yirlə şər bi­lin­məyən və daim təhlükə qarşısında ol­du­ğu­muz hazırkı ya­şadığımız dövrdə belə, hələ də həyat ba­ğın­da gözəlliyi kö­nüloxşayan güllərin görməyi bacaranları öz­lə­rinə cəlb et­diyini görərik”.

İnsan düşüncəsi onun xoşbəxtliyində böyük təsirə ma­lik­­dir. Bu, insanın xoşbəxtliyə nail olmasına səbəb olan baş­lı­ca şərtdir. Hər hansı qeyri-adi hadisə, daim qaranlığa qa­pı­­­l­an bir şəxs üçün dözülməz və həll edilməsi mümkün ol­ma­­yan bir şəkildə cilvələnir. Lakin həyata ümid gözü ilə ba­xan, bədbinlikdən uzaq olan insanlar üzləşdikləri bütün prob­lemlər qarşısında müqavimət göstərir, səbir və təm­kin­lə düşdüyü sıxıntıdan yaxa qurtarmağı bacarırlar.

Özlərini bədbinliyə sövq edən şəxslər ömürlərini iztirab için­­də keçirirlər. Onlar qarşılaşdıqları problemlərin həllində nə qədər böyük səy göstərsələr də, zəhmətlərini hədərə ver­miş, eyni zamanda, yaşadıqları dünyada onları əhatə edən gö­zəlliklərdən xəbərsiz qalmış olurlar.

Alimlərdən biri deyir: – "Dünya insanla qarşılıqlı mü­ami­lə edir. Üzünə gülsəniz, güləcək, ona kin bəsləsəniz, o da sizə qarşı elə qaş-qabaqlı olacaqdır. Fikir sahibi olsanız, alim­lər yanında yer alacaq, mehriban və səmimi olduqda isə ətrafınızda sizi sevən, sizə könül açan insanları gö­rə­cək­siniz”.

Üzləşdiyimiz problemlər zahirdə ağrı-acılı olsa da, in­sa­nın düşüncə və ruhiyyəsinə öz müsbət təsirini göstərir. Be­lə ki, bir çox hallarda insanın psixoloji potensialı prob­lem­lər­lə qarşılaşdıqca daha yüksək təzahür edir. Məhz belə bir şə­raitdə insan ruhu və insan düşüncəsi kamilliyə doğru hə­rəkət edir.

"Psixoloji və Əxlaqi Problemlərin Həlli" kitabından

Materialdan istifadə zamanı istinad (www.parlayangunesh.az) zəruridir.