 Cəmiyyətin ayrılmaz bir hissəsi olan qadınlara müxtəlif dövrlərdə və qurluşlarda çox fərqli münasibətlər olmuşdur!
İctimai fəallıq,
vətəndaş mövqeyinin nümayiş etdirilməsi kimi anlamların əksəriyyətində
yad bir məfhum olduğu bir dövrdə, dinimizin qısa bir zaman kəsimində,
əvvəl Həzrət Fatimənin(s. ə)sonra da qızı xanım Zeynəbin(s. ə)mübarək
timsalında kamil insan, nümunəvi bir qadın təcəssümünü təqdim etmişdir.
Elə bir kamil xanımların ki, onlar zalımlara və zülmə qarşı barışmaz
mübarizədə olmuşlar. Onlarn istibdad saraylarını lərzəyə gətirən,
qəsbkarların dincliyinə haram qatan, qətiyyətli mövqeləri hətta müasir
dünyanın bu günün vətəndaş mövqeyi anlamını üstələmişlər.
Hal-hazırda biz qadınlar o əzəmət nümunəsi olan xanımların
davamçılarından olmalıyıq. Ən azından çalışmalıyıq ki, o xanımların bizə
əmanət etdikləri iffətin, namusun, paklığın, izzətin simvolu
olan”Hicabı” qoruyub saxlayaq. Çünki "Hicab” qadınların mübarizə
səngəridir. ”Hicab”qadının iffəti, isməti, həyasıdır. Ona görə də bu
səngərin qorunması bizə vacibdir.
Peyğəmbəri-Əkrəm(s)buyurub:”Həya
gözəldir, lakin qadında daha gözəldir. ” Qadının hicaba riayət etməsi
heç vaxt onun mədəni, ictimai və iqtisadi fəaliyyətinə maneə olmur.
Hicab qadınlara Allah tərəfindən buyrulduğu üçün hər bir qadının buna
riayət etməsi vacibdir. Hicaba riayət etmək ailə ocağının möhkəmliyinə,
onun davamlı olmasına və nəticədə sağlam cəmiyyətin yaranmasına xidmət
edir.
Bu gün təəssüflər olsun ki, əksər ölkələrdə demək olar ki,
məcburi olaraq müasirlik adı altında Qərb mədəniyyəti idxal edilir.
Əsas nişangah isə xüsusən hicaba riayət edən müsəlman qadınlardır. İslam
dininin zühurundan indiki zamana qədər İslam dini ilə düşmənçilik
edənlər olub. Hal-hazırdada İslam düşmənləri çalışırlar ki, hər nə yolla
olursa olsun öz mərkli istəklərinə nail olsunlar. İslamın bu qədər
inkişaf etdiyini görən düşmənlər(sionistlər)artıq bunun qarşısını ala
bilmədikləri üçün müxtəlif planlar qurmağa başladılar. İlk planları
İslamı firqələrə bölərək, müsəlmanlar arasında fitnə toxumunu cücərtmək
oldu. Sonra İslamın ən böyük göstəricisi, qadnların hüquqlarını
cəmiyyətdə qoruyan hicabına əl atdılar. Hicabı "geridə qalmış”-lıq kimi
qələmə verdilər. Hicabı müasir şəklə salaraq, cürbəcür hicab dəbləri
ortaya ataraq, bizim öz əlimizlə İslama böyük bir zərbə planını həyata
keçirdirlər. Bu gün hicablı xanımların sayı həqiqətən çoxalıb,
günü-gündən də artmaqdadır. Amma çox təəssüflər olsun ki, bu hicablı
xanmların sayının artması İslam düşmənlərinin istədiyi tərzdə (dəblə
bağlanmış hicab, dar şalvarlar, qısa dar köynəklər, üzü kosmetik
vasitələrlə boyanmış, ətirlənmiş, zinətlənmiş, gözdə eynək, nazik kapron
corablar) olub. Onların məqsədi tam olaraq budur, bu kimi şeyləri
gözümüzdə adiləşdirib böyük hədəfi hicabı bizim əlimizlə məhv etmək.
Peyğəmbəri-Əkrəm (s) buyurub: "iki sinif insan vardır ki, əsla hüzuruma
çıxarılmayacaqlar. Bunlardan biri tam məna ilə örtunməyən qadınlar,
ikincisi İslamı məsxərə(təhqir) edənlər”.
Başörtülü bacılarımız
özünüzə gəlin, qəflət yuxusundan oyanın!Baxın görün kimin üçün
örtünürsüz!Allahı razı salmaq üçün çalışın, məxluqatı razı salmayın!
Əziz bacılarımız, hicab çılpaqlıq deyil.
Hicab həyadır - Sizin
saçınızı örtür! O həmçinin sizin həyanızı, abrınızı örtür! Başörtüsü
taxırsınızsa, iffətinizin bir simvolu olaraq görürsünüzsə, o halda o
müqəddəs başörtüsünə sadiq qalın , ona yaraşan şəkildə hərəkət edin,
geyinin. Artıq yetər! Hicab bir dəb deyil, hicab bir zövq geyimi deyil.
Hicab Allahın qadınlara bir əmridir.
Mömin qadınlara de ki,
gözlərini haram buyrulmuş şeylərdən çevirsinlər(naməhrəmə baxmasınlar),
ayıb yerlərini qorusunlar(zinadan), öz-özlüyündə görünən(əl, üz)istisna
olmaqla, zinətlərini(zinət yerləri olan, boyun, boğaz, qol və s.
)naməhrəmə göstərməsinlər baş örtüklərini yaxalarının üstünə çəksinlər.
(Ən-Nur31)
Örtünmə hansı şəkildə olmalıdır?
Ayədə buyrulduğu
kimi əl, üz istisna olmaqla bədənin hər bir yeri örtülməlidir. Bu zaman
sadəcə örtünmək şərt deyil. Belə ki, qeyd etdiyimiz üzvlər elə şəkildə
örtülməlidir ki, bədən üzvləri nəzərə çarpmasın. Hicabın ən mühüm
hikmətlərindən biri qadının özünü naməhrəmdən qorumasıdır. Buna əsasən
hicablı qadın naməhrəm müqabilində elə davranmalı, danışmalı, baxmalı,
gülməli, yeriməli, geyinməlidir ki, naməhrəm diqqətini özündən
yayındırsın. Bu mühim məsələdir. Başın, saşların görünmədiyi şəkildə
münasib baş örtüyü ilə(yadları yamsılayacaq şəkildə deyil)müsəlman
qadınına yaraşan şəkildə, boynunu, qulaqlarını, çənənin altını örtəcək
həddə örtülməli, geyim bədənin çıxıntılarının bilinməyəcəyi qədər gen
olmalı, eyni zamanda onun rənginə, tərzinə diqqət edilməlidir ki,
naməhrəmi cəlb etməsin. Bədənə geyilən paltar çox nazik olmamalıdır.
Həmçinin ətirlənmək, zinətlənmək, kosmetik vasitələrdən istifadə etmək,
nazik(kapron)corab geyinmək hicabsızlığın əlamətlərindəndir. Hicab
sadəcə zahiri örtünməkdən ibarət deyil. Hicab həm nəfsə qalib gəlmək,
həm də dünyadan və onun bər-bəzəyindən uzaqlaşaraq Allahın əmrlərinə
düzgün şəkildə əməl etməkdir.
Peyğəmbəri-Əkrəm buyurub.
(gələcəkdə) elə qadınlar dünyaya gələcəklər ki, örtüldükləri halda
çılpaqdırlar (onların bədənlərini göstərən paltar, ayaqlarını göstərən
nazik corablar geyərlər), onlar həvəsbaz və insanları aldadanlardır, öz
saçlarını elə bəzəyərlər ki, dəvənin küvəni kimi qabağa çıxar. Bunlar
behiştə daxil olmaz, hətta onun ətrini belə iyləməzlər. Halbuki behiştin
ətri çox uzaq məsafələrdən hiss olunur. (Səhih Müslim cild-3 səh-1680
hədis-2128)
Hicab Allahın biz qadınlara olan rəhmətidir. Gəlin
qərbin təbliğ etdiyi cürbəcür cəlbedici hicab geyimləri ilə bu rəhmətə
kölgə salmayaq. Hicaba keçdiyimizdə birinci onun mahiyyətini dərk edək,
Allahın buyurduğu səkildə(başqalarını yamsılamadan)xanım Zəhra(s.
ə)aşiqinə yaraşacaq bir tərzdə bağlayaq. Qərbin təbliğ etdiyi tərzdə
deyil, əsl müsəlmana xas tərzdə. Allaha xatir geyinək bəndəyə xatir yox.
Vay halımıza o zaman ki Peyğəmbər(s)ın sözləri bizlərə şamil ola. Onda
bizləri böyük əzab gözləyir. O zaman zərrə qədər də haqqımız yoxdur ki,
qiyamətdə Peyğəmbər(s)dan və həqiqi hicabın bariz nümunəsi Həzrəti
Fatimeyi-Zəhra(s. ə)dan şəfaət gözləyək.
Allahı and verək İki dünya xanıma, bizləri düz yola hidayət etsin və o xanımın həqiqi davamçılarından qərar versin.
Məryəm Əli
islamazeri.az
|
