Bəzən Əhli-beytə (ə) qarşı müxalifətlik fiziki olurdu, İmam Hüseynin
(ə) zamanında öz pik nöqtəsinə çatmışdı. Bəzən fikri və əqidə cəhətdən
olurdu, Əhli-beytin (ə) qarşısında cəbhə yaradırdılar. Hər dəfə də
məğlub olurdular. Nəhayət fiziki güclərindən istifadə edirdilər. Abbasi
xəlifələri İmam Rzanın (ə) dövrünə qədər Əhli-beytlə (ə) nisbətən yaxşı
rəftar edirdilər. Ancaq ondan sonra şiddətli təzyiqlər başladı.
Maraqlısı budur ki, Bəni-Abbas İmam Hüseynin (ə) qanının qatilini
tələb edərək, hakimiyyətə gəlmişdi. Onlar iki məsələdən sui-istifadə
etdilər. Biri İmam Hüseynin (ə) şəhadəti və o birisi də əcəmlə ərəblərin
arasındakı gərginlik. Qiyam onların lehinə sona çatdı. Həqiqətdə isə
bu, Əbu Muslim Xorasaninin qiyamı idi. Bəni-Abbas hakimiyyəti əlinə
aldı. Bəni-Üməyyədən fərqli olaraq, zahirdə Əhli-beytlə (ə) yaxşı rəftar
edirdilər. Onlara ehtiram qoyur və bu yolla insanları özlərinə
yaxınlaşdırmağa çalışırdılar. Başqa bir tərəfdən Bəni-Abbas öz fəziləti
haqqında hədislər düzəltməyə başladılar ki, insanları qane etsinlər.
Ancaq belə görünür ki, bu siyasət işə yaramadı. Xüsusilə də Mütəvəkkilin
dövründə məğlub oldular. Əhli-beytə (ə) təzyiqləri artırdılar. Vəziyyət
o yerə çatmışdı ki, İmam Həsən Əsgəri (ə) 5 yaşına qədər İmam Məhdini
(ə.f.) gizlətmişdi. Abbasi xəlifələri İmamların (ə) həyatlarını nəinki
çətinləşdirir, hətta İmam Məhdinin (ə.f.) zamanında yaratdıqları şərait
Fironun zamanında Həzrət Musanın (ə) dünyaya gəlməsinə bənzəyirdi. Onlar
övladlarının adını Məhdi qoyurdular ki, bu təfəkkürlə mübarizə apara
bilsinlər. Tarix boyu görürük ki, padşahlar çalışırdılar ki, dini
alimləri saraylara tərəf cəlb etsinlər. Bu yolla insanların arasında
etibar qazanmaq istəyirdilər. Siyasi hakimiyyət çalışırdı ki, bu
alimlərin təbliğatına mane olsunlar. Ancaq müsəlmanların canları və
ruhları bu insanların əlində idi.
Biz İmamların (ə) üç məqama malik olduğu fikrindəyik: elmi,
mənəvi-əxlaqi və siyasi. Əgər kimsə Əhli-beyt (ə) maarifi ilə
tanışdırsa, İmam Hadinin (ə) adına diqqət etmədən "Cameyə” ziyarətini
oxuyarsa, rahatlıqla deyə bilər ki, bu ziyarət ya İmam Əlidəndir (ə), ya
da İmam Səccaddan (ə). Əgər İmamların (ə) həyatını bir-birinin kənarına
qoysaq görərik ki, heç bir-birindən fərqlənmirlər. Aləmə olan nəzərləri
eynidir. İmamlar (ə) deyirlər ki, biz vahid nuruq. Bu, bir həqiqətdir.
Əgər İmam Sadiqin (ə) zamanında olan fürsət İmam Hadinin (ə) zamanında
da olsaydı, yenə də o cür əməl edərdi.
İmamlar (ə) buyurur ki, övladlarınızı bizimlə tanış edin. Çünki
düşmən sizdən qabağa düşə bilər. Biz gərək bu yolda fəal olaq. Əgər
İmamların (ə) buyurduğu kimi gözəl bir mədəniyyət yarada bilsək, hər bir
məsələ həll olar. Dövrümüz iki yolda irəliləyir. Bir tərəf imana,
mənəviyyata üz döndərir, o biri tərəf isə şeytanpərəstliyə tərəf. Bu iki
cərəyan bir-biri ilə vuruşur. Bu günün müasirləşməsinin təzahürlərindən
biri də hədsiz "azadlıq”dır. Ona görə də müasirləşmənin mənfi və müsbət
tərəflərini tanımaq lazımdır. Bizim vəzifəmiz cavan nəsli bu
zərərlərdən qorumaqdır”.
(Erfan/ Deyerler.org)