Deyerler.org:
İslam dini kimi hər bir din də bir gövhərdir. Onun təlimləri,
qayda-qanunları isə dinin mirvarisi hesab edilir. Bütün dinlərin gövhəri
vahiddir, yəni tövhiddir. Hər bir din mədəniyyətinə uyğun olaraq,
xüsusi mirvari ilə əhatə edilmişdir, yəni özünün qayda-qanunları və
təlimləri, nəzəriyyələri vardır. Bu səbəbdəndir ki, dinlərin sayı
çoxdur.
Dinlərin ən mühüm məsələlərindən biri budur ki, din sahibləri onun
təlimlərinə, qayda-qanunlarına və ibadətlərinə diqqət etmir və laqeydlik
göstərirlər. Hər bir din iddia edir ki, onun dini gövhərini əldə etmək
üçün onun mirvari adlandırılan nəzəriyyələrinə əməl etmək lazımdır. Bu
səbəbdən hər bir dinin özünə məxsus gövhəri vardır. Bu məsələ təkcə
həmin din zühur edən zaman deyil, bəlkə ondan sonra da bu cür olur. Hər
bir dinin gövhəri haqqdır və insanı səadətə çatdırmaq üçün gəlmişdir.
Ancaq bir dindən sonra başqa bir dinin gəlməsinin səbəbi insanların bu
gövhəri təhrif etmələridir. Yəni, hər bir din Allah tərəfindən
göndərilmişdir və insanların nicat tapması üçün nazil olmuşdur. Lakin
hər bir dinin nazil olduğu kimi, qalması çox qısa çəkir. Tez bir zamanda
başqa insanlar tərəfindən onun əsasları və nəzəriyyələri
dəyişdirilmişdir. Bu səbəbdən də Həzrət Adəmdən (ə) indiyə qədər 124 min
peyğəmbər gəlmiş və hərəsi də öz haqq dinini təqdim etmişdir.
İslam dini ona görə xatəm sayılır ki, təhrif edilməmiş yeganə dindir
və qiyamətə qədər də dəyişdirilməmiş qalacaqdır. Bu, Allahın insanlara
verdiyi bir vədədir.
Əhli-beyt (ə) məktəbinin təfəkkürünə görə, hər bir İlahi din nazil
olan zaman haqq din olmuşdur. Ancaq zaman keçdikcə onların bir çoxu
təhrif edilmiş və həqiqəti yalana bulaşmışdır. Bu səbəbdən bütün dinləri
insanlara nicat bəxş edən din kimi qəbul etmək olmaz. İnsanı səadətə
çatdıra bilən bir dinin ardıcılı olmaq lazımdır. Başqa bir tərəfdən isə
hər bir bəşərin müəyyən zamanında həmin insanların təfəkkür səviyyəsinə
uyğun olaraq din nazil olmuşdur. Bu səbəbdən də hər bir din insanı
səadətə çatdıra bilməz. Bəlkə hər biri öz zamanında bu vəzifəni yerinə
yetirirdi. Ondan kamil din gələndən sonra insanlar sonrakı dinə itaət
etməyə başlamışdılar.
İslam dini zühur edəndən sonra bəşər elə bir həddi-büluğa çatmışdı
ki, dinini təhriflərdən qorumağı bacarırdı. Bu səbəbdən də İslam
dinindən sonra başqa bir din gəlməmişdir.
İslam dini başqa dinlərdən fərqli olaraq, müəyyən bir ərazidə nazil
olmasına baxmayaraq, bütün bəşər üçün gəlmişdir. Ona görə deyə bilərik
ki, İslam dini ümumi və kamil şəkildə təqdim edilmişdir. Yəni bəşərin
səadəti üçün lazım olan bütün İlahi qanunlar burada təqdim edilmişdir.
Bu dinin eyni zamanda bütün zaman və məkana uyğunlaşmaq qabiliyyəti vardır. Ona görə də yeni bir dinə ehtiyac yoxdur.
Beləliklə deyə bilərik ki, Allah tərəfindən nazil olan hər bir din öz
zamanında işə yaramışdır. Ancaq bir müddətdən sonra təhrif edilmiş və
bəşərin ehtiyaclarına cavab verə bilməmişdir. İslam dininin zühuru ilə
bəşər elə bir dinə malik oldu ki, zaman və məkanla uyğunlaşa bilir və
həm də elə bir qanunlar təqdim edir ki, bəşər var olana qədər ona
kifayət edir.
(Tebyan/Deyerler.org)