Birinci ay - Məhərrəm ayıdır, ona görə onu Məhərrəm adlandırıblar ki, bu ayda müharibə və qarət etmək haram idi.
İkinci ay isə Səfərdir. Ona görə Səfər deyirlər ki, o zaman Yəməndə
bazarlar açılardı və oradan azuqə alardılar. Kim bu bazara yetişməsəydi,
ac qalardı. Bundan başqa ona görə bu ayı Səfər adlandırıblar ki, bu
ayda şəhərlər insanlardan boşalardı. Çünki onlar müharibə etməyə
gedərdilər. Səfər sözünün mənası boş deməkdir.
Sonra Rəbiül-əvvəl (3-cü) və Rəbiəs-sani (4-cü) gəlir. Bu aylarda
ərəb baharın gəlişi və bitkilərin oyanmasına şahid olduğu üçün onları
belə adlandırmışdılar. Sonra Cəmadiül-əvvəl (5-ci) və Cəmadiəs-sani
(6-cı) gəlir. Bu ayları ona görə belə adlandırırdılar ki, bu aylarda su
buz bağlayardı. Onlar bu adı qoyan zaman qış mövsümü imiş və nəzərə
almırdılar ki, ayların yeri dəyişə bilir.
Yeddinci ay Rəcəb ayıdır. Bu aya ona görə Rəcəb deyirlər ki, ondan qorxurdular. Rəcəbin mənası qorxmaq deməkdir.
Rəcəbdən sonra Şəban ayı (8-ci ay) gəlir. Bu aya ona görə Şəban
deyirdilər ki, ərəblər bir-birindən ayrılar və qarət dalınca
gedərmişlər.
Şəban ayından sonra Ramazan ayı (9-cu) gəlir. Bu ayı ona görə belə
adlandırıblar ki, yer istinin qızmarlığından közərirmiş. "Ramazan”, yəni
qızmar isti.
Ramazan ayından sonra Şəvval ayı (10) gəlir. Bu aya ona görə belə
adlandırıblar ki, dəvələr bu ayda quyruqlarını yuxarı qaldırarmışlar.
Şəvval sözünün mənası yuxarı qaldırmaqdır.
Şəvval ayından sonra Zilqədə ayı (110ci) gəlir və bu ayı ona görə
belə adlandırıblar ki, bu ayda ərəblər qarətdən əl çəkər və oturardılar.
Zilqədə, yəni oturmaq.
Sonuncu – 12-ci ay - Zilhiccə ayıdır. Həcc mərasimi bu ayda olduğu üçün onu belə adlandırıblar.
(İslami saytlara istinadən/ Deyerler.org)