.

Maraqlıdısı da odur ki, qış tədarükünə məsuliyyətlə yanaşaraq vacib bir iş kimi yerinə yetirsək də, bundan dadıb-dadmayacağımız sual altındadır. Amma axirət tədarükünə hər an, hər saniyə ehtiyacımız ola biləcəyimiz halda, hələ də tələsmirik və düşünürük ki, hər an tədarük edə bilərik və yaxud da ki, heç düşünmürük.

Axirət işlərinin əzəməti, axirətin əbədi ev olması və üstünlüyü barəsində Qurani-Kərim və hədislərdə də yer almışdır:

"Biz axirət qazancını istəyənin qazancını artırır, dünya mənfəətini istəyənə də ondan veririk. Onun axirətdə heç bir payı yoxdur”. ("Şura”, ayə 20)

"Ey qövmüm! Bu dünya həyatı keçici bir şeydir, qalmaq yeri axirət evidir”. ("Ğafir”,ayə 39)

"De: "Dünyanın malı azdır və axirət, təqvası olan üçün daha yaxşıdır”.( Nisa, ayə 77)

Allahın Peyğəmbəri (s) buyurub: "Dünyan üçün elə işlə ki, sanki əbədi yaşayacaqsan və axirətin üçün elə iş gör sanki sabah öləcəksən”.

Allahın Peyğəmbəri (s) buyurub: "Allah gecə-gündüz ən böyük dərd-qəmi axirət olan kəsin qəlbini ehtiyacsız və zəngin edər, onun işini qaydaya salar. O, ruzisini tam şəkildə əldə etəməyincə dünyadan köçməz. Allah gecə-gündüz ən böyük dərd-qəmi dünya olan kəsin alnına isə yoxsulluq (möhürü) vurar, işinin nizamını pozar. O, dünyada öz qismətindən artıq bir şey əldə etməz”.

İmam Əli (ə) buyurub: "Axirətdən möhkəm yapış ki, dünya sənə kiçik gəlsin”.

İmam Əli (ə) buyurub: "Həqiqətən dünya səndən ayrılandır, axirət isə sənə yaxındır”.

İmam Əli (ə) buyurub: "Dünyanın hər bir şeyini eşitmək görməyindən böyükdür. Axirətin isə hər bir şeyini görmək eşitməyindən böyükdür. Odur ki, axirəti görməyin yerinə, gözlərə görünməyən, qeyb pərdəsi arxasında olanları müşahidə etmək əvəzinə, elə eşitməklə və (peyğəmbərlərin vasitəsi ilə) xəbərdar olmaqla kifayətlənin”.

İmam Əli (ə): "Öz əbədi evini abadlaşdıran kəs ağıllıdır”.

İmam Əli (ə): "Dünya qurtaran, axirət isə əbədidir”.

İmam Əli (ə): "Axirəti yada salmaq dava-dərmandır, dünyanı yada salmaq isə ən pis dərd və xəstəlik”.

İmam Əli (ə): "Kim axirəti çox yadına salsa günahı və (Allaha qarşı) itaətsizliyi az olar”.

İmam Əli (ə): "Dünyaya rəğbəti ola-ola axirət üçün iş görmək faydasızdır”.

Böyük filosof Əllamə Təbatəbai əsərlərinin birində Axirəti unutmaq insanın hidayətdən məhrum olmasının başqa bir səbəbi olmasını qeyd edərək, yazır: "İnsan dünya həyatında onun naz-nemətlərinə bağlanır. Bu bağlanma nəticəsində bütün əməllərini bu sevgi əsasında qurur. Düşüncəsi və arzuları yalnız dünya və onun nemətləri ilə əlaqəli olur. Bu dünya sevgisini araşdıran zaman bunun da yalnız bir şeyə qayıtdığının şahidi oluruq. O da axirəti və ölümdən sonrakı həyatı unutmaqdır. İnsanın dünyaya bağlanmasının səbəbi ölməyəcəyinə qəlbən inanmasıdır. Bütün insanlar bir zaman öləcəklərini dillə iqrar edirlər, lakin qəlbləri ilə buna inanmırlar. Qəlbən elə bilirər ki, daimi olaraq dünya həyatında ömür sürəcəklər. Həyatları yalnız burada xülasələnmişdir. İnsanların ölmələri də onlar üçün adi bir həyat prosesi olmuşdur. İnsanların adət etdikləri yaşayış tərzi...”.

Uca Allah bizləri axirət gününü unutmayanlardan və axirət üçün azuqə yığanlardan qərar versin!

Zəhranur Qüdsi

İmam Sadiq (ə) adına İslam Maarifi Akademiyası

«Dəyərlər» Jurnalistika Məktəbinin dinləyicisi