Deyerler.Org:
Universitetlərdə hicab qadağasının tətbiq edilməsi tələbələrin təhsil
hüquqlarına ziddir. Belə bir qərarı Rusiya Prokurorluğu Krasnoyar
əyalətinin Tibb Universitetində hicablı tələbənin təhsildən
kənarlaşdırılmasını araşdırdıqdan sonra qəbul edib, - "Gazeta”.
Tibb
Universitetinin rəhbərliyi Prokurorluğun etirazından sonra tələbənin
hicab qadağasına görə təhsildən kənarlaşdırılması barədə qərarı ləğv
edib. Bundan başqa universitet daxili intizam qaydasını da dəyişməli
olub. Prokurorluğun qərarına görə, universitetdə tətbiq edilən intizam
qaydası tələbələrin təhsil hüquqlarına zidd olub.
Xatırladaq ki,
mart ayında Krasnoyar Dövlət Tibb Universiteti 3 kurs tələbəsi olan
Aygul Xiderbekovanı hicablı olduğuna görə dərsə buraxmayıb. Universitet
rəhbərliyi onu universitetin daxili intizam qaydasını pozmaqda ittiham
edib. Bundan sonra Aygul Dağıstan Tibb Akademiyasına köçürülüb, lakin,
buna baxmayaraq xanım Prokurorluğa şikayət ərizəsi ilə müraciət edib.
/Deyerler.Org/
|
