1. Hər ayın öz nuru vardır və hər bir gündüzün nuru vardır. Bu, bizik
ki, gərək bu nurları hifz edək. Əmirəl-mömininin (ə) davamçıları Allah
yanında əzizdirlər. Əgər onlar namazlarına, valideynə ehtiram, qeybət
kimi məsələlərinə diqqət etsələr, bu nur hər gün evlərinin qapısına
gələr. Ancaq biz nə edirik? Bu nuru qorumuruq. Böyük din alimi olan
Ayətullah Noxudəki İsfahanidən soruşurlar ki, bu məqama necə çatmışdır?
O, cavab verib ki, hər nə əldə edibsə, qoruyub saxlayıbdır. Ancaq biz
nuru zay edirik. Gecə durub gecə namazını qılırıq, səhər durub
başqasının qeybətini edirik. Bir acı söz deməklə gecə namazının nuru
aradan gedər.
2. Mən bəzilərinə baxıb təəccüb edirəm. Bir möminə xanım 20 dəfə
ümrəyə getmişdir. 21-ci dəfə ona deyirlər ki, gəl bu ümrə pulunu bir
yetim qıza ver. Deyir: "Yox, mən bacarmaram. Çünki dostlarımın hamısı
gedir, mən necə getməyə bilərəm ki?” Bəli, Allah evini ziyarət etməklə
hər şey bitmir. İnsan o yerlərə gedir ki, əxlaqını düzəltsin. Əgər
düzəltmirsə, ibadəti zay olar.
3. Müstəhəbbin caizlə fərqi vardır. Müstəhəb o əməldir ki, nə zaman
yerinə yetirərsən, savaba layiq olarsan. Bir qazinin müstəhəb əməli odur
ki, əgər yanına məhkumu gətirsələr, görsə ki, ittihamı insanların
hüququna görədir, gərək sakit olub, şahid toplasın. Ancaq əgər məsələ
Allah hüququna aid məsələdirsə, müstəhəbdir. Yəni nafilə namazı
hökmündədir. Məsələn elə bir məhkum gətirsələr ki, bu, şərab içmişdir.
Soruşarsan: Nə zaman? Diş ağrısını aradan aparmaq üçün bəzi dərmanlar
vardır ki, pis iy verir. Allahın bu bəndəsi onlardan istifadə etmişdir.
4. Allah bir neçə günahı bağışlamaz: 1. Bilərəkdən namaz qılmamaq. 2.
Haqsız yerə insan öldürmək. 3. Ağvalideyn olmaq. 4. Abır-həyanı
aparmaq. Bu günahlar o qədər böyükdür ki, bəzən sahibləri tövbə etməyə
fürsət tapmırlar. Böyük din alimlərindən biri mənə demişdi ki, atama
dedim ki: "Sən elm dənizisən. Əgər mənə nəsihət verməli olsaydın, nə
deyərdin?” Atam başını aşağı saldı və sonra qaldırdı və buyurdu: "Heç
kimin abırını tökmə”. İmam Əli (ə) Haris Həmədaniyə buyurur: "Əgər hər
eşitdiyini desən, yalançı olarsan”.
5. Günahkarlar bir neçə növdür. Bəziləri günah edir və sonra peşman
olub narahat olurlar. Tövbə edir və bir gün bu tövbəni sındırmağı
düşünmürlər. Ancaq ikinci dəfə yenə də bu günahı edər və hər dəfə də
tövbə edərlər. Əgər tövbə edən zaman onun qəlbində həqiqi yangı və
nigarançılıq varsa, şeytana qələbə çalar. Ancaq əgər olmazsa, birinci
dəfə yanğısı çox olar, ikinci dəfə bir qədər az və sonra onun üçün adi
bir işə çevilər. Şeytanın qidasına çevrilər. Ən şiddətli günah o
günahdır ki, sahibi onu kiçik hesab etsin.
6. Bir insan Qiyamət bazarına daxil olar və təəccüb edər. Fikirləşər
ki, Allah, bəs qıldığım namazlar nə oldu, ümrələrim nə oldu? Deyərlər
ki, sən qəlb sındırmısan, riya etmisən. Ey əziz! Əgər yuxarı qalxmaq
istəyirsənsə, evindən başla. Cavanların çoxu saqqal saxlayır, üzük
taxır, ətir vurur. Ancaq ev əhlindən soruşsan, heç biri ondan razı
deyildir.
7. Təqvanın mərhələləri vardır. O zaman ki, Quran nazil olur, bir
çoxları deyir ki, qulaq asmayın. Ancaq bəziləri deyir ki, sakit olun,
görək nə deyir. Bir çoxları Quran nazil olandan sonra hidayət oldular.
Boş yerə deyildi ki, öz şəhər və kəndlərini buraxıb Peyğəmbərin (s)
əsgəri olur və onunla bir yerdə vuruşurdular.
8. Quranın incəlikləri vardır ki, onu ancaq təqva əhli dərk edər.
9. Allahın süfrəsi böyükdür. Bir kor qadın Həzrət Musanın (ə)
qarşısına keçir və deyir ki, mənim üçün dua et ki, görə bilim. Həzrət
Musa (ə) deyir ki, yaxşı. Qadın deyir: "Dua et ki, gözəlliyim də
qayıtsın”. Musa bir qədər dayanır və fikirlərşir ki, gözlərini Allah
açacaq, bəs gözəllik nə üçündür? Vəhy gəlir ki, Musa! Niyə
fikirləşirsən? Məgər səndən istəyir?
10. Allah Quranda buyurur ki, Mənim bəndəmə heç kim hakim ola bilməz.
Şeytan o kəslərə hakimdir ki, ardınca gələrlər. Ey cavan! Əgər
namazlarını davamlı olaraq, qılsan, əxlaqını gözəl etsən, valideyn
haqqını qorusan, vəzifələrinə əməl etsən, yəqin bil ki, şeytan
gedəcəkdir.
(Tebyan/ Deyerler.org)