.

İslam tarixində Muhərrəm ayının onuncu günü Aşura günü kimi hüzünlə qeyd edilib.Ərəb dilində mənası 10 olan bu gündə müsəlmanlar  dunyanın müxtəlif  yerlərində Peyğəmbərin (s) övladı İmam Huseynə (ə) əza saxlayırlar.Bunun səbəbi Hicrətin 61-ci ili Muhərrəm ayının  10-da Kərbəla adlı çöldə İmam Huseynin (ə), ailəsinin və 72 –nəfərdən ibarət olan səhabələrinin qəddarcasina şəhadətə yetirilməsidir! Bu cinayətləri Yezid ibni Muaviyənin əmri ilə Ömər  ibni  Sədin başçılığı  altında  göndərilmiş  30000 nəfərdən  ibarət  olan ordu törətmişdir.Şəhidlərin başlarını kəsib, bədənlərini doğrayıb atların ayaqları altına qoyublar. Hətta orada olan 6-aylıq körpəyə  belə rəhm etməyiblər!  Bu hadisənin baş vermə səbəbi  isə İmam Huseynin (ə) özünü   xəlifə  elan  edən Yezidə beyət etməməsi idi. Yezid Allahın dinini tanımayan , dinin hökmlərini açıqcasına pozan şərabxor, zinakar və öz xalqına zülm edən biri idi.  Əgər belə bir zalım xəlifə islam ümmətinə rəhbər olmağa davam etsə idi İslam dini təhrif olub aradan gedəcəkdi. İslam dinini mühafizə etmək üçün,  İmam Huseyn(ə) ölüm ilə təhdid edilməsinə baxmayaraq Yezidə beyət etməyib və buyurub:

 «Məni zəlillikilə (qul olmaqla) ölüm arasında ixtiyar sahibi ediblər. Amma zəlillik bizdən çox uzaqdır...».

«Mən babam Peyğəmbərin dinini (Yezid kimi birindən) muhafizə edəcəyəm...» .                                                             

«Əgər Yezid kimi birinə beyət olunarsa bu islam dininin sonu olacaq...».                                                                                                      İmam Hüseyn(ə)-ın bu zülmə etiraz etməsi Yezidin həqiqi simasını müsəlmanlara aşkar edir.Çünki Yezid xəlifəlik məqamı üçün İslam Peyğəmbərinin övladlarını şəhid edir, qadınlarını isə qul kimi öz hüzuruna gətirir.Bu şəhadət qəflət yuxusunda olan müsəlmanları oyadır.Müsəlmanlar anlayırlar ki, belə bir zalım şəxs İslam xəlifəsi ola bilməz.Bu səbəbdən bütün müsəlmanlar qiyam edərək Yezidin hakimiyyətini  süquta uğradırlar. İmam Hüseyn(ə)-in qiyamı insanlıq üçün bir məktəbə çevrilir. Bu məktəbin şüarı budur ki, zalım nə qədər güclü olsada məzlumun(zülm olunanın) vicdanına(şəxsiyyətinə) hakim ola bilməz. Öz şəxsiyyətlərini pula satmayan bütün insanlar zəmanələrinin Yezidlərinə qarşı daima qiyamda olacaqlar!

İmam Hüseyn(ə) isə bu misli görünməz qiyamı ilə İnsanlıq üçün bir ideyala çevrildi.  Necə ki, İslam Peyğəmbəri (s) Kərbəla hadisəsindən  çox-çox  qabaqlar  buyurmuşdur: «Həqiqətən, Huseynin qətlinə görə mömünlərin qəlblərində bir hərarət var (olacaqdır) ki, bu hərarət Qiyamət gününə qədər  soyumayacaqdır».

Elə buna görədə Tatarıstan respublikasının paytaxtı kazan şəhərində yaşayan Azərbaycanlılar Muhərrəm ayının ilk 10 gününü Mərcanə məscidində əza saxlayırlar. Aşura günündə İmam Hüseyn(ə) qanı ilə bəşəriyyətə diriliş(həyat) bəxş etdiyi kimi, Azərbaycanlılar da 15 nömrəli şəhər xəstəxanasında xəstə insanlara öz qanlarını hədiyyə etməklə  həyat verdilər.Biz bu faciəli gün  münasibətilə butun dünya müsəlmanlarına dərin hüzünlə baş sağlığı veririk .

Qan vermə aksiyasını təşkil etdiyi üçün, "Azərbaycan" Reqional İctimai TəşkilatıTatarstan Respublikası Azərbaycan Milli-Mədəni Muxtariyyətin sədri  Sübhan Əhədzadəyə təşəkkür edirik.

Hörmətlə Höccətul-İslam vəl-Muslimin

İsmayılov  Şahsuvar .

2013-11-14

(H.q-1435 – Aşura  günu)