Deyerler.org
:
Artıq ilahi ziyafətin astanasındayıq. Mübarək Ramazan ayının daxil
olmasına saatlar, bəlkə də daha bir gün qalıb. Bəndəçiliyə yönəliş
ayının ərəfəsində ölkə ruhaniləri, ziyalıları mübarək ayla bağlı
düşüncələrini bölüşmülər. Mövzu ilə bağlı Masallı sakini və ilahiyyatçı,
Boradigah qəsəbəsinin imam-cüməsi Hacı Ağa Rəşid Talıbov Deyerler.org-a
açıqlamasında demişdir: "Bismilləhir-Rahmənir-Rahim! Qarşıdan gələn
mübarək Ramazan ayı münasibətilə mən bütün İslam dünyasını,
müsəlmanları, xüsusilə Azərbaycan xalqımızı təbrik edirəm. Allah Təala
bu mübarək aya xatir bizim xalqımıza, millətimizə, vətənimizə öz
xeyrini, bərəkətini nazil eləsin, inşaallah! Peyğəmbərimizin (s) də
buyurduğu kimi, artıq mübarək Ramazan ayı öz bərəkəti və rəhmətilə bizə
tərəf üz tutmuşdur. Bu ay ibadət və itaət ayıdır. Allah bu ayın ibadət
və itaətini xalqımıza, millətimizə nəsib etsin! İnşaallah!”.
Açıqlamasında
toplanan imzaların sayı 100 mini ötmüş imzatoplama kampaniyasına
toxunan Hacı Ağa Rəşid demişdir: "Prezidentə müraciət üçün toplanan
yüzminlik imzatoplama kampaniyası bu istiqamətə atılan ən gözəl
addımlardan biridir. Ona görə də, Allah Təala bu kampaniyanın uğurlu
olmasından ötrü müsəlmanları müvəffəq eləsin, İnşaallah! Ümidvarıq
Allah öz köməyini bizim xalqımızdan, millətimizdən və müsəlmanlardan
əsirgəməyəcək, İnşaallah. Bu məsələdə bu mübarək Ramazan ayında
Allah-Təala bizə 2 yox, 3 fərəh verəcək. İmam Rza (ə) buyurur ki, oruc
tutanın iki fərəhi olar; biri iftar çağı, digəri də Qiyamət günü. Biz də
ümid edirik ki, bizim bu orucluqda 3 fərəhimiz olar; biri iftar vaxtı,
biri Qiyamətdə, inşaallah, üçüncü fərəhimiz də hicab probleminin həlli
olacaq, inşaallah!”
|