Artıq ilahi ziyafətin
astanasındayıq. Mübarək Ramazan ayının daxil olmasına saatlar, bəlkə da
daha bir gün qalıb. Bəndələçiyə yönəliş ayının ərəfəsində ölkə
ruhaniləri, ziyalıları mübarək ayla bağlı düşüncələrini bölüşmüşlər.
Mövzu ilə bağlı ilahiyyatçı-alim, Bakının qədim kəndlərindən Binə
kəndinin sakini Hacı Əli Əliyev Deyerler.org-a açıqlamasında demişdir:
"Öncə bütün mömin bacı-qardaşlarımı təbrik edirəm. Mübarək Ramazan ayı
digər aylarla müqayisədə özünəməxsus əhəmiyyətə malikdir. Birinci ona
görə ki, Pərvərdigari-Aləm öz ən böyük hədiyyəsini bəşəriyyət aləminə bu
ayda nazil edib. Yəni ,Qurani-Kərimi bu ayda nazil edib. İkincisi ona
görə ki, Pərvərdigari-Aləm "Qədr gecəsi”ni mübarək Ramazan ayında qərar
verib. "Qədr gecəsi” elə gecədir ki, bu gecənin ibadəti min aydan
artıqdır. Bir gecədir ki, Pərvərdigari-Aləm insanların 1 illik
müqəddəratını bu gecədə müəyyən edir. Əlbəttə, hər bir insanın
ləyaqətinə görə. Üçüncü ona görə ki, mübarək Ramazan ayı ibadət ayıdır.
Paklıq ayıdır, təqva ayıdır. Bu ayın fəzilətində, əzəmətində bu bəsdir
ki, şəni əziz Peyğəmbərimiz (s) Şəban ayının axır cüməsində mübarək
Ramazan ayının astanasında "Xütbəyi-Şəbaniyə” adlı xütbəsində Ramazan
ayını elan etmişdir. Bu belə bir aydır ki, Allah yanında ən əziz
aylardan biridir. Bu ayda aclığınızla, susuzluğunuzla Qiyamət günündə
susuzluğunuzu və aclığınızı siz yad edirsiniz”.
|
