Alimlər və Əsrin imamı
Əllamə Cəfəri:
"O ilahi günlərdə bu İlahi şəxsin mənəvi siması Quranın həqiqətlərini
olduğu kimi açıqlayacaq. Şəxsi mənafe və nəfsani istəklərin təsiri
nəticəsində yaranmış saxta nəzəriyyələr onun müqabilində aciz qalacaq.
Onun dövründə yaşayan insanlar elə müsbət xüsusiyyətlərə malik olacaqlar
ki, onu dərk etməkdə çətinlik çəkməyəcəklər. Elə buna görə də, maddi
istək zindanlarından üz çevirərək, ali mənəvi kamilliyə nail olacaqlar.
Onlar daxilən o qədər pak olacaq ki, hər Quran ayəsi və kəlməsi
oxunduqda, sanki Yaradanın özünün onlara birbaşa müraciət etdiyini
düşünəcək".
Əllamə Təbatəbai:
"Allah-taala iman gətirib, saleh əməl sahibi olan şəxslərə, bütünlüklə
pak, küfr və fəsad hökmranlığından azad, yer üzünün varisi olaraq,
yalnız haqq dinə etiqad bəsləyən, əmin-amanlıqla dolu olan, daxili və
xarici düşmənlərdən heç bir qorxusu olmayan cəmiyyət barəsində
qabaqcadan müjdə verir. Bu toplum özünəməxsus paklıq ilahi dəyərlər,
səfa və səmimiyyətlə seçilərək yer üzərində indiyədək heç vaxt heç kimin
görmədiyi İlahi bir cəmiyyətdir. Sözsüz ki, bu toplum Həzrət Məhdinin
(əc.) gəlişi ilə həqiqətə çevriləcəkdir. Çünki, Peyğəmbər (s) və onun
Əhli-beytindən bizə gəlib çatmış dəqiq və kamil hədislər də, bizə bunu
söyləməyə əsas verir. Doğrusu bu ayə yalnız Həzrət Məhdinin (əc.) seçib,
bir yerə yığacağı cəmiyyətə aid oluna bilər".
Xacə Nəsirəddin Tusi:
"Ağıllı insanlar üçün aydındır ki, Allahın lütf və rəhməti (peyğəmbər
göndərdikdən sonra) məsum imamı təyin etməyi lazım bilir. Çünki,
insanlar rəhbərsiz qalmamalı, həqiqətdə Qurani-kərim və peyğəmbərin
sünnəsi layiqli və etibarlı şərhçiyə malik olmalıdır.
Belə imamın məsum rəhbərlik varlığı özü-özlüyündə, şübhəsiz ki, uca Tanrının lütf və mərhəmətinin nəticəsidir.
İmamın ictimai həyatda idarəçiliyi və İslam ümmətinin rəhbərliyini əməli formada öhdəsinə alması da, İlahi şəfqətidir.
İmamın qeybə çəkilərək, bizdən cismən uzaq düşməsi isə, bizim öz səhvlərimizin, günahlarımızın ucbatındandır".
Şeyx Abdullah Cavadi Amuli:
"Həzrət Mehdini tanıma iki cürdür: Tarixi tanıma və həqiqi tanıma.
Həqiqi tanıma tarixi tanımadan önəmlidir. Mühüm olan odur ki, həzrəti
həqiqi şəkildə tanıyaq və bizim onu deyil, onun bizi görməsinə nail
olaq.
Məqamı bütün peyğəmbərlərin məqamından uca olan Peyğəmbərimizin
zamanında o həzrəti görənlər az deyildi. Amma Allah-taala Quranda
onların barəsində buyurur: ("Ya Rəsulum!) Sən onları sənə baxan
görərsən, halbuki onlar görməzlər!” ("Əraf”, 198). Onlar nəzər əhli
idilər, amma bəsirət əhli deyildirlər".
Seyid Ruhullah Musəvi:
"Həzrət Mehdinin müxtəlif cəhətləri vardır. Bəşər aşkar olan onun yalnız
bəzi cəhətləridir. Həzrət Rəsulallah bütün varlıqların hakimi olduğu
kimi o həzrət (ə.f.) də bütün varlıqların hakimidir. O, peyğəmbərlərin
sonuncusu, bu vilayətin sonuncudur. O, müstəqil ümumi vilayətin
sonuncusu, bu isə qeyri-müstəqil, (asılı) ümumi vilayətin sonuncusudur”.
Seyyid Əli Hüseyni:
"Yer üzünün sütunu və yaradılış aləminin pənahgahı qeybdə olsa da, zühur
etməsə də, amma hazırdır. Əhli-beytin yaxşı ardıcılı o adam sayılır ki,
İmam Zamanın hüzurunu hiss etsin. Bu əqidə insana ümid və canlılıq
bağışlayır. O cəmiyyət vəd olunmuş Mehdini qəbul edə bilər ki, onda
hazırlıq və qabiliyyət olmuş olsun. O böyük İslahedicinin intizarında
olan şəxs özündə islah zəminələrini hazırlamalı, islahın həyata keçməsi
yolunda sabitqədəm qalması üçün çalışmalıdır”.
Şeyx Məhəmmədtəqi Behcət:
"Hacı Məhəmmmədəli Fəşəndi İmam Zamanın məhzərinə yetişən zaman, İmama
deyir ki, camaat təvəssül duası oxuyur və sizin intizarınızdadır, onlar
sizi səsləyirlər; dostlarınız narahatdır. Həzrət buyurub: "Bizim
dostlarımız narahat deyil".
Kaş əyləşəydik və həzrət Qaibin nə zaman zühur edəcəyi barədə
bir-birimizlə söhbətləşəydik, bununla da heç olmasa, ən azı zühurun
intizarında olanlardan hesablanaydıq. Bu yola yalnız o həzrət üçün olan
adamlar tələb olunur. O kəslər zühurun intizarında olanlardan sayılır
ki, şəxsi ehtiyaclarını ödəmək üçün deyil, Allah üçün və Onun yolunda
İmam Mehdinin intizarında olmuş olsunlar. Görəsən, nə üçün bizim heç
olmazsa, xristianların sıxıntıya düşərkən İncillə rabitələri olduğu kimi
o həzrətlə rabitəmiz yoxdur?!"
(Somumid.com)
| 
