İki
il əvvəl müsəlmanlar, xüsusilə Cəfəri məzhəbində olanlar
Ayətullah-üzma Şeyx Məhəmməd Təqi Behcətin vəfatı xəbəri ilə
kədərləndilər.
Düz iki il əvvəl o böyük şəxsiyyət Allahına tərəf qayıtdı.
Qum ziyarətinə gedən elə bir adam tapılmazdı ki, Ayətullah Behcətin namazında iştirak etməsin.
Sanki, Xanım Məsumənin (s) ziyarətilə yanaşı bu Həzrətin ziyarəti də müsəlmanların qəlbində sevilirdi.
Kamil arif və mərcei təqlid müctehidi olan Ayətullah-üzma Şeyx Məhəmməd
Təqi Behcət 1913-cü ildə Gilan vilayətinin Fumən şəhərində dindar bir
ailədə dünyaya göz açıb. Atası Kərbəlayi Mahmud Behcət şəhərin hörmətli
və tanınmış şəxslərindən olub Behcətin atası təqribən on yeddi yaşında
olarkən vəba xəstəliyinə yoluxub yatağa düşür. Vəziyyəti ağır olduğundan
onun sağ qalacağına heç kimin ümidi qalmır. Behcətin atası özü belə
nəql edir: Həmin ağır vəziyyətdə olduğum vaxt qəribə bir səs eşitdim.
Kimsə deyirdi: "Onunla işiniz olmasın. O, Məhəmməd Təqinin atasıdır.”
Elə bu vaxt dərin yuxuya gedir. Hamı onun rəhmətə getdiyini güman edir.
Amma bir müddət keçəndən sonra tədricən tamam sağalır. Bu hadisədən bir
neçə il sonra evlənmək qərarına gəlir. Evləndikdən sonra ilk övladının
adını "Mehdi” qoyur. İkinci övladı qız olur. Üçüncü uşağının adını
"Məhəmməd Hüseyn” qoyur. Dördüncü övladı dünyaya gələndə ağır xəstə
olduğu vaxt eşitdiyi səsi xatırlayır və buna görə də onu "Məhəmməd Təqi”
deyə çağırır. Təhsilini davam etdirmək və dini elmlərə daha dərindən
yiyələnmək üçün 1931-ci ildə Nəcəfi-Əşrəfə hicrət edir. Ali təhsilin son
mərhələlərini Nəcəfin yüksək dərəcəli alimlərindən kəsb edərək başa
vurur. Onların sırasında Şeyx Mürtəza Taliqani kimi tanınmış şəxslərin
adı qeyd olunur. 1-ci video!
