Masallı «Cümə» məscidində xanım Zəhranın (s.ə.) mövludu günü (FOTO) 24.05.2011 22:16
700-ə yaxın Ana və bacılarımız bu tədbirdə iştirak etdi
Masallı «Cümə» məscidində xanım Zəhranın (s.ə.) mövlud günü
Təsadüfi
deyil ki, bütün İslam aləmində xanım Zəhranın (s.ə.) mövlud günü
özünəməxsus təntənə ilə qeyd edilir. Əziz ölkəmizin yağı düşmənin
tapdağı altında inləyən torpaqlarından başqa, istisnasız olaraq bütün
guşələrində bu gün gözəl və nəcib atmosferdə qarşılanmış və bayram
edilmişdi. Masallı «Cümə» məscidinin dini icması da bu böyük bayrama öz
kiçik töhfəsini verməyə çalışdı.700-ə yaxın Ana və bacılarımız bu
tədbirdə iştirak etdi.Bayram tədbirində çıxış edən "KÖVSƏR” ilahi
nəğmələr qrupu məclisə dahada şövq verirdi. Cəmadüyəs-sani ayının
20-si – dünya və axirət xanımlarının seyyidəsi, Həzrət Rəsulullahın (s)
gözünün işığı xanım Fatimeyi-Zəhranın (s.ə.) mübarək mövludu günüdür.
Həmin gün İslam aləmində Xanımlar bayramı kimi də qeyd edilir. Xanım
Fatimənin (s.ə.) dünyaya gəldiyi gün İslam aləmində ən əlamətdar
günlərdən biri hesab olunur.Bu günün müqəddəsliyi o səviyyədədir ki,
Allah Təala xanım Fatimənin (s.ə.) dünyaya gəlişi münasibətilə
Rəsuli-Əkrəmə (s) mücdə verir, bu münasibətlə Qurani-Kərimin «Kövsər»
surəsini əta edir. Öz qısa, lakin mənalı həyatı ilə xanım Fatimeyi-Zəhra
(s.ə.) hər dövrdən olan iman əhlinə, gələcək nəsillərə, ümumilikdə
bəşəriyyətə ibrət dolu bir irs qoyur. Mübaliğəsiz demək olar ki, insan
həyatının bütün sahələrində istər fərd müstəvisində, istər ailə,
valideyn-övlad müstəvilərində, istər ictimai, cəmiyyətdaxili
münasibətlər müstəvilərində xanım Zəhra (s.ə.) kamil bir nümunə, Allah
bəndəliyinin gerçək məktəbini təqdim etmişdir. Tərbiyə etdiyi İmam Həsən
və İmam Hüseyn, xanım Zeynəb və Ümmü Gülsüm kimi övladları, xanım
Zəhranın (s.ə.) İlahi kamillik yolu üçün ən böyük əməli töhfələrdəndir.
Bununla yanaşı, xanım Fatimə (s.ə.) İslamda kamil qadın obrazını özündə
təcəssüm edir. İslamın qadına olan həqiqi münasibəti, qadının ictimada,
ailədə yeri və rolu barədə kamil qaneedici məlumat, məhz xanım Zəhranın
(s.ə.) mübarək şəxsiyyətindən əxz edilir.
|