Ustad Möhsün Qəraətidən maraqlı suallara cavablar
Deyerler.org:
Bəzi işlərin həm hədəfi düz olar və həm də üslubu, bəzi işlərin isə
hədəfi düz olar, ancaq ona çatan yol düzgün olmaz. Məsələn oğurlanmış at
və ya maşınla həccə gedən insan kimi. Ya da qara təbaşirlə ağ
divarlara yazar ki, təmizliyə riayət edin.
Bəzən də o işə
gedən yol düzgündür, ancaq hədəfi fasiqdir. Xəvariclər kimi ki, Əlinin
(ə) yanında müxalifətliyə qalxmışdılar. Onların şüarı: "Ancaq Allahın
əmri və Allah kitabı” idi. Həzrət Əli (ə) buyurmuşdu: "Bu yaxşı sözlərdir və haqq kəlməsidir”. Ancaq bu qrupun hədəfi haqla müxalifət etmək idi.
Belə ki, Süffeyn döyüşündə Müaviyənin əsgərləri Quranı nizələrə
keçirmişdilər. Onlar bununla demək istəyirdilər ki, Qurana tabedirlər.
Həqiqətdə isə Quran natiqi olan Əli (ə) ilə müxalifətlik və düşmənçilik
edirdilər. Biz Qədr gecələrində Quranı başımıza qoyuruq, ona görə də
gərək rəftarlarımız Qurana zidd olmasın. Başa Quran qoymaq ona pənah
gətirmək və onun qarşısında təslim olmaq deməkdir. Çünki Quran buyurur
ki, riya haramdır. Quranı başımıza qoyaq, ancaq mədəmiz haram və
oğurlanmış tikə ilə dolu olsun, nə mənası vardır? Əgər xəstə, həkimin
yazdığı resepti başına qoyarsa və dərmanları içməzsə, onun nə faydası
olar?
Quranın nəzərincə insanlar necə olur?
1. O insanlar ki, həm imanları vardır və həm də saleh işlər görürlər - möminlərdir.
2. O insanlar ki, nə imanları var və nə də saeih işlər görürlər - onlar kafirdirlər.
3. O insanlar ki, imanları vardır, ancaq gördükləri iş saleh deyildir - onlar fasiqdirlər.
4. O insanlar ki, imanları yoxdur, ancaq əməlləri zahirən saleh görünür - onlar münafiqdirlər.
Əlbəttə münafiqlərin də dərəcəsi və mərhələsi vardır. Yaltaqlıq
münafiqliqdir. Qəlbən dinə gəlməyini istəmədiyin adamı dəvət etmək
münafiqliqdir.
/Deyerler.org/
|
