(Seyyid Əli Xamenei cənablarına ithaf!) Allahın
adı ilə! Cümə günü İslamda müqəddəs gündür. Müsəlmanlar Cümə günündə
bir-birini bu gün münasibətiylə təbrik edirlər. Bu gündə günorta
namazına böyük əzəmət qatılır. Çünki bu gün möminlər Cümə namazı qılır
və namazdan öncə iki xütbə- dini və siyasi-ictimai xütbələr dinləyirlər.
Dindən və dünyada baş verən əhadisdən xəbərdar olurlar. Bu həftə Cümə gününə -
həm də, İslam dünyasının böyük alimi, dünyaca ünlü olan fəqih, dünya
müsəlmanlarının vəliyyi əmri və Peyğəmbər (s) övladlarından olan Hacı
Seyyid Əli Huseyni Xamenei cənablarının doğum günü təsadüf edir.
Həzrət Ayətullah Xamenei haqqında, onun məqamı və həyatı haqqında
çoxlarımız az-çox məlumatlara sahibik. Mən, bu kiçik yazımda o cənabın
həyatı haqqında bəhs etməyəcəyəm. Sadəcə ağanın ad günüylə bağlı bir
məqama diqqət çəkmək istərdim. 1939-cu
ildə İranın müqəddəs Məşhəd şəhərində Ayətullahul-Üzma Hacı Seyyid
Cavad ağanın evində bayram qeyd olundu. Peyğəmbər (s) nəslindən, seyyid
bir oğlan uşağı dünyaya gəldi bu evdə. İmam Huseynin (ə) nəslindən, Huseyni
seyyidlərindən olan bu oğlanın adını Əli qoydular. O, indi Ayətullah
Seyyid Əli Xamenei adı ilə bütün dünyada məhşurdur. Bütün dünya onun
necə rəşadətli və dağ vüqarlı olmasının şahididir. Adətən,
ad günündə insanı təbrik edirlər. Zatən nəinki ad günü ilə bağlı,
ümumiyyətlə, İslam üçün gördüyü işlərə və qazandığı nailiyyətlərə görə,
Ayətullah Xameneiyə nə qədər təbriklər etsək, "mübarək olsun” desək,
azdır. Çünki o, həqiqətən də, İslam üçün lazımlı və böyük işlər görmüş
şəxsdir. İstər tələbəlik vaxı olsun, istər siyasi arenada olsun, istər 8
il prezident vəzifəsində çalışdığı vaxtda, istərsə də, Ali dini lider
olduğu indiki vaxtda. Ayətullah
Xameni 22 ildir ki, İslam inqilabına rəhbərlik missiyasını öz üzərinə
götürüb. Həzrəti bu məqam və kürsüyə İslam inqilabının banisi İmam
Xomeyni (r)
də, layiq və məsləhətli görürdü. Xalqın da, nəzəri-diqqətində Ayətullah
Xamenei böyük hörmət və səviyyə sahibi idi. Bu gün də, müsəlmanların bu
işi bəhrəsini görürlər. Adətdir
ki, bir şəxsin ad günü olanda, onu təbrik etməyə gəlirlər, "ad günün
mübarək olsun!” deyirlər. Yəni, doğum gününün bərəkətli olmasını arzu
edirlər. Ayətullah Xamenei cənablarının ad günü, dünyaya gəldiyi gün
isə, həqiqətən də, bir mübarək, bərəkət dolu bir gündür. İslam
inqilabının rəhbəri bu gün dünyada müstəzəf (zəif düşürülmüş), haqqı
tapdanmış, zülm olunmuş, haqsızlığa məruz qalmış insanları himayə edir,
o, bu gün yetimlər atasıdır. İslam
düşmənləri İraqda, Əfqanistanda, Fələstində, Livanda, son zamanalr
Qəzzada müsəlmanların başlarına fəlakətlər gətirəndə, Ayətullah Xamenei
onları himayə etdi
və onun bu ərəfələrdə "kim necə bacarır- haqsızlığa qarşı cihad etsin,
məzlumların müdafiyəsinə qalxsın!”- mövzulu bir fətva ilə çıxış etdi. Müsəlmanlar bu gün Xamenei cənablarının rəhbərliyi və yol göstərənliyi sayəsində düşmənlərdən qorxub çəkinmir. Ayətullah Xamenei müsəlman dünyası üçün bir nemət və ilahi inayətdir. Üstəlik,
bu mübarək təvəllüddən iki gün sonra (mübarək mahi-Şabanın 15-i) daha
böyük və əzəmətli bir təvəllüd gəlir qarşıdan. Zamanın Sahibi Həzrət
İmam Məhdi (əccələllahu-təala fərəcəhuş-şərif) Ağanın ad günüdür. Bu
xüsusi bir bəhsin mövzusudur və bu haqda məxsusi vurğulamalar
edilməlidir. Ayətullah
Xamenei İmam Zaman (əcəlləllahu-təala fərəcəhuş-şərif) yolunun
yolçusudur. İmam Zaman (əccələllahu-təala fərəcəhuş-şərif) ağanın am
(ümumi) naibidir və müntəzərul-Məhdidir. Allah-Təala hər iki təvəllüdü
mübarək edib, Ayətullah Xameneinin təvəllüdünü- İmam Zaman
(əccələllahu-təala fərəcəhuş-şərif) ağanın təvəllüdü ilə nuraniləşdirib.
Uca
Allahdan İmam Zaman (əccələllahu-təala fərəcəhuş-şərif) ağanın
zühurunun tezləşdirilməsini diləyir, hər iki mövludu təbrik edir, "İslam
dünyasının bayramı mübarək olsun!”- deyirəm. Allah-Təala
İmam Zaman (əccələllahu-təala fərəcəhuş-şərif) ağanı yerin-göyün
bəlasından qorusun, naiblərini, məxsusən də, bu günlərdə ad günü olan
Ayətullah Xamenei ağanı səhihi-salamat eləsin, daim ağaya yar olsun!
|