Allahdan qeyrisi üçün elm öyrənən...
Allahın
Peyğəmbəri (s): «Kim elmi Allaha görə öyrənərsə, elmin hər hansı
dərəcəsinə çatdıqda özünü daha həqir görər, camaatla daha təvazökar
olar, Allah qorxusu çoxalar və dini işlərdə çalışqan olar. Allahdan
savayı hər nəyə çatmaz. Belə şəxs elmdən bəhrələnər. Deməli, onu
öyrənmək lazımdır. Ancaq kimsə elmi dünyaya, camaat arasında və hakimin,
sultanın yanında mövqe qazanmaqdan ötrü öyrənərsə, özünü böyük sanmaq,
camaata qarşı daha təkəbbürlü və Allahdan daha xəbərsiz olmaq və dindən
daha çox uzaqlaşmaqdan qeyri elmin hər hansı bir dərəcəsinə çatmaz. Buna
görə də insan (elmi bu məqsədlə öyrənməkdən) çəkinməli və qiyamətdə öz
əleyhinə sübut, peşmançılıq və rüsvayçılıq qazanmamalıdır».
(Rovzətul-Vaizin, səh.16)
Allahın Peyğəmbəri (s): «Kim elmi camaatı aldatmaq üçün öyrənərsə,
cənnət qoxusunu tapmaz». (Məkarimul-əxlaq, c.2, səh.364, hədis 2661)
Allahın Peyğəmbəri (s): «Allahdan qeyrisi üçün elm öyrənənin yeri cəhənnəm olar». (Kənzul-ummal, hədis 29035)
İmam Əli (ə): «Nə imkanınız olsa, elm öyrənin. Məbada dörd işdən ötrü
elm öyrənəsiniz: alimlər arasında özünü öymək, cahillərlə mübarizə
aparmaq, məclislərdə özünü göstərmək və ya camaatın diqqətini özünə cəlb
edib onlara başçılıq etmək üçün». (əl-İrşad, c.1, səh.230)
İmam Sadiq (ə): «Kim Allah üçün elm öyrənib Allah üçün (ona) əməl etsə
və Allah xatirinə başqalarına öyrətsə, mələklərin səmasında onun
böyüklüyü anılaraq deyiləcək: Allahdan ötrü öyrəndi, Allah üçün əməl
etdi və Allah xatirinə öyrətdi». (Əmali Tusi, səh.167, hədis 280)
Islam-Azeri.az
| 
