Nimeyi-Şəban ərəfəsində Ayətullah Cavadi Amuli ona Hz.Mehdi(ə.f) barədə ünvanlanmış 4 suala cavab vermişdir.
1. İmam Zamanı(ə.f) hansı formada tanımaq gərəkdir?
-
Onu tanıma iki cürdür: "Tarixi tanıma" və "Həqiqi(olduğu kimi) tanıma".
İkinci tanıma yəni"həqiqi tanıma" birincisindən mühümdür. Mühümlüyü
ondadır ki, biz O həzrəti düzgün tanıyaq, O da bizi görə. Nəinki biz onu
görək.(nəzəri üzərimizdə olsun)
Peyğəmbər(s) zamanı çoxları
Peyğəmbəri(s) görürdülər amma Allah-təala onlar barədə Qurani-Kərimdə
buyurur: "Onları sənə baxan görürsən, halbuki onlar
görmürlər"(Əraf-198). Yəni onlar nəzər əhlidirlər amma bəsirət əhli
deyillər. Hünər odur ki, elə olaq ki, İmam Zaman(ə.f) bizi görə.
Allah
hər şeyi görür amma Qurani-Kərimdə buyrulur: "Allah onları
danışdırmayacaq, Qiyamət günü onların üzünə baxmayacaq və onları təmizə
çıxarmayacaqdı"(Ali İmran-77). Yəni öz şərafətli nəzərini onlardan
əsirgəyəcəkdir.
Əgər biz düz yolda hərəkət etsək, O həzrət bizi görər.
2. Hz.Mehdinin(ə.f) var olmasının Quranda dəlili nədir?
-
Mərhum Kuleyni "Kafi" kitabında Əimmədən(ə) nəql edir ki, Qədr surəsi
dəliliniz olsun. Çünki həmin surədə buyrulur ki, həmin gecə Cəbrayıl(ə)
və Ruh bütün əhkam və işləri özlərilə Yerə endirərlər.
Adi insan bu əhkam və əmrləri qəbul etmək iqtidarında deyil. Bunu qəbul edə biləcək şəxs yalnız Hz.Vəli-Əsrdir(ə.f).
(Tərcüməçidən:
İmam Sadiqdən(ə) soruşurlar ki, Qədr gecəsinin dəqiq vaxtını bilirsiz?
Buyurur ki, necə bilməyə bilərəm ki, mələklər mənə nazil olur. Yəni
Ayətullah Amuli demık istəyir ki, hal-hazırda Cəbrayılın(ə) nazil olduğu
şəxs Hz.imam zamandır(ə.f)).
3. İmam Zamanın(ə.f) ömrü elmi cəhətdən təsdiqlənirmi?
- Əvvəla, İmam Zamanın(ə.f) ömrünün uzunluğu qəbul etdiyimizə xilaf olsa da möcüzə ilə bu mümkündür.
İkincisi, əgər insanı kim yaradıb və kim idarə etdiyini qəbul etsək bu sualın cavabı verilmişdir.
Mən
bir dəfə stomatoloqdan dişin nə qədər sağlam qalması barədə sual
etydim. Cavabımda dedi ki, mümkündür ki, bir diş yüz il sağlam qalsın.
Əgər bir polad yüz il gecə-gündüz işlənsə keyfiyyətini itirəcək. Amma
dişdə belə deyil. Çünki hüceyrələr ölür və yenilərilə əvəzlənir.
Bu
izahla deyə bilərik ki, insanın bədən hissəcikləri daim hərəkətdədirlər
və insan ruhu bütün bunları idarə edir. Və əgər insan ruhu kamil
olarsa, və ölmüş hüceyrələrin yerinə sağlam hüceyrələri yerləşdirməyi
tənzimləyərsə, yəni bədən hissəciklərinə düzgün nəzarət edərsə, bir
insan milyon il də yaşaya bilər. Və bunu elm də qəbul edir.
4. Hz.Mehdinin(ə.f) varlılğı fəlsəfi cəhətdən mümkündür? Buna fəlsəfi dəlil varmı?
-
Hz.Hüccətin(ə.f) varlığı əqli dəlillə isbat olur. Yəni əqlin əsasında
mümkündür ki, kamil insan uzun ömürlü olsun. Biz qısa ömürləri görməyi
adət etmişik. Amma bir şəxs bütün təbbi səbəblərdən agah olarsa, və
nəyin zərərli və nəyin xeyirli olduğunu bilərsə, uzun ömür sürə bilər.
Bu adətə ziddir amma əqlə yox. Möcüzə də adətə ziddir amma əqlə yox. Elm
bunu açıqlaya bilməmişdir. Çünki qeyri-adi hadisələri açıqlaya bilmir. O
yalnız adət etdiyimiz işləri açıqlaya bilir. Kəramət də adətə zidd
işlərdə cərəyan edir.