HaqqYolu
- Bu gün İslam inqilabının banisi və lideri, İranın ali rəhbəri
ayətullah Ruhulla Musəvi Xomeyninin vəfatından 22 il keçir.
Görkəmli şiə lideri imam Xomeyni 1963-cü ildən etibarən İranın şah rejiminə qarşı müxalifətdə fəaliyyət göstərib.
Onun həbsi ölkədə on il ərzində baş vermiş ən irimiqyaslı
narazılıqlara səbəb olub ki, nəticədə 1000 nəfərdən çox adam qətlə
yetirilib. İki aylıq həbsdən sonra hakimiyyət imam Xomeynini azad etməyə
məcbur olub. 1964-cü ildə o, yenindən həbsə alınıb və Türkiyəyə sürgün
olunub. Türkiyədən o, İraqın Ən-Nəcəf şəhərinə, oradan da 1978-ci ildə
Parisə köçüb.
1979-cu ilin yanvar ayında ayətullah Xomeyni İran inqilabına
rəhbərlik edib. İran şahı ölkədən qaçdıqdan iki həftə sonra o, fevralın
1-də İrana dönüb və yeni Konstitusiyaya əsasən, İran İslam
Respublikasının ali rəhbəri vəzifəsini tutub. Qum şəhərində
yaşaya-yaşaya o, ölkə siyasi həyatında fəal iştirak edib.
