Cinlərin insan həyatına dəxalət edə bilməsi ağ yalandır
Tanınmış İslam alimi Ayətullah Məkarim Şirazi ali fiqh dərsində cinlərin insan həyatına təxalət edə bilməməsi barədə danışıb.
HaqqYolu
- Tanınmış İslam alimi Ayətullah Məkarim Şirazi ali fiqh dərsində
cinlərin insan həyatına təxalət edə bilməməsi barədə danışıb. Bu barədə
HaqqYolu saytı ABNA-ya istinadən xəbər verir.
Ayətullah Məkarim Şirazi deyib: "Qurani-kərim baxımdan cin, mələk və insan şüura malik olan varlıqlardır və bu, qətidir.”
Ayətullah Məkarim cinlərin arasında mömin və kafirlərin olamsını da inkaredilməz bir fakt sayıb.
"Lakin cinlərin bizim şəxsi həyatımızda dəxalət edə bilməsi iddiası yanlış və yalandır”, - Ayətullah Məkarim Şirazi bildirib.
Onun fikrincə, iki qrup belə xülyaya qapıla bilər. Birinci qrup öz
uğursuzluqlarını qara çuxa və cinlərin boynuna atır. Əlbəttə, bu
iddialarını sübut edə bilmək üçün heç kəs dəlil irəli sürə bilməyib.
İkinci qrup isə fırldaqlar və hiyləgərlərdir. Bu qrup qazanc əldə etmək
məqsədi ilə məlum iddiaları irəli sürürlər.
Ayətullah Məkarim deyib: "Cin mövcuddur. Lakin nə onlar bizim və nə də biz onların həyatına dəxalət edə bilirik.”
|