.

Dil çox-çox qədim zamanlarda toplu halında yaşayan insanların bir-birinə söz demək ehtiyacından, bir-biri ilə ünsiyyət saxlamaq zərurətindən ortaya çıxmışdır. 

Deməli, dil insanlar arasında ünsiyyət vasitəsidir. Dil ünsiyyət vasitəsi kimi yalnız müəyyən şəraitdə — insan cəmiyyətində yaranır və fəaliyyət göstərir. Buna görə də dil ictimai hadisə sayılır. Dilin varlığı üçün bəşər cəmiyyətinin olması mühüm şərtdir. Insan cəmiyyəti olmayan yerdə dil mövcud ola bilməz. Cəmiyyətin idarə  olunmasında da dil ən önəmli faktor sayılır. Bir gün Konfutsidən soruşurlar ki, bir ölkənin idarə etməsini sizə versəydilər ilk öncə nəyi dəyişərdiniz? Elm adamı və siyasi xadim heç düşünmədən dilini dəyişərdim cavabını verir. Həqiqətdədə belədir. Dil mənsub olduğu xalqın həyatı ilə sıx bağlıdır. Hər hansı bir xalqın milli şüuru, mədəni səviyyəsi inkişaf etdikcə onun dili də inkişaf edir, təkmilləşir. Dil qüsurlu olarsa, kəlimələr fikirləri yaxşı çatdıra bilməz. Fikirlər yaxşı çatdırılmazsa görülən işlər doğru olmaz. Vəzifələrə düzgün əməl olunmaz, mədəniyyətlər pozular, Ədalət haqsızlıqla əvəzləşər. Ədalət yoldan çıxarsa əgər, çıxılmazda qalan xalq nə edəcəyini bilməz. Bir sözlə dilin dəyişməyi bir məmləkətin dəyişməyina qədər gətirib çıxardar. 

Dil insani ucaltmaq həmdə alçaltmaq üçün çox böyük və önəmli vasitədir. İnsanlar öz daxilində olan yaxşı və pis niyyətlərini bir- birlərinə bu qüvvə vasitəsilə başa salırlar, onları öz fikirlərindən, məlumatlarından xəbərdar edirlər.İmam Əli(as) demişdir: "İnsan öz dilinin altında gizlənmişdir danışmağa başlayandan sonra ağıllı və ya ağılsız olduğu bilinir”. Allahın insanlara verdiyi hər bir nemətinə görə şükr etməliyik. Yaradanın insanlara bu qədər gözəl nemətin verilməsinində şükrünü elə dil vasitəsilə vermək lazımdır. Dilin şükrü dedikdə, yalan danışmamaq, həqiqətə zidd söz deməmək, qeybət etməmək, söz gəzdirməmək, söyüş söyməməkdir. Allah insanlara dili həqiqətləri üzə çıxarsın deyə verdiyi halda insanlar isə əksini edərək, həqiqətləri gizlədirlər zülm edirlər. SSRİ yaradılanda ilk iş olaraq Azərbaycanda şərq mədəniyyətinin aradan getməsi üçün ilk iş olaraq ərəb və fars dillərində yazılan yazıların yığışdırılmasına, yada həmin dildə yazılan yazılarda milləti və dini təhqir edən yazılara önəm verilirdi. Dilin dünyada bu qədər önəmli olduğu zamanda xaricdən gələn təsirləri azaltmaq üçün öz dilimizə sadıq qalmalı, nə qədər çox dil öyrənsək belə, yenədə öz məmləkətimizdə öz doğma dilimizdə danışmalıyıq. 

Aşur Mehdi/İslamazeri