İMAM ZAMAN AĞANIN (ə.f.) MÖMİNLƏRƏ ÇAĞIRIŞLARI İmam Zaman ağanın (ə.f.) möminlərə çağırış dolu hədisləri təqdim edilir.
1."Mən Allahın yer üzərindəki ehtiyatı (xəzinəsi) və düşmənlərdən intiqam alanıyam”.
2."Mən axırıncı Vəsiyəm ki, Böyük Allah mənim vasitəmlə çətinlikləri
nəslimdən və Əhli-Beyt (ə) davamçılarından uzaq edəcəkdir”.
3. "Böyük Allah ilə heç kim arasında qohumluq əlaqəsi yoxdur, hər kim
məni inkar edərsə, məndən deyildir və onun yolu Nuhun (ə) oğlunun
yoludur”.
4. "Qeyb zamanında insanların məndən
faydalanmasının keyfiyyəti Günəşdən bəhrələnmələri kimidir, necə ki,
bulud Günəşi gizlədir”.
5. "Yer əhli üçün mənim varlığım amana səbəb olar, necə ki, ulduzlar səma əhli üçün amana səbəb olar”.
6. "Qəlblərimiz Allah iradəsinin yeridir, o zaman ki, nə isə iradə etmək istəsə, biz də həmin şeyi iradə edirik”.
7. "O zaman ki, Allah bizə danışmaq icazəsi verərsə, haqq aşkar olar və batil məhv olar”.
8. "Biz əgər hər kimə nifrət edəriksə, Allah, mələklər, peyğəmbərlər və övliyalar da ona nifrət edər”.
9. "Allah bizimdir və O, ola-ola başqasına ehtiyacımız yoxdur. Haqqı
bizimlədir və hər kəs bizə itaət etməkdən boyun qaçırdarsa, bizi
heyrətə salmaz. Biz Pərvərdigarımızın bəslənilmiş əliyik və bizdən
sonrakı yaradılanlar da bizim bəslənilmiş əlimizdir”.
10. "Fərəcin zühuru Allahın iradəsi ilədir. Hər kim (zühur üçün) vaxt təyin edərsə, yalan demiş olar”.
11. "Zühurun tezləşməsi üçün çoxlu dua edin, çünki bu, sizin fərəcinizə və açılışa səbəb olar”.
12. "Sizə xeyr gətirməyən şeylərə görə sual verməyin və özünüzü sizdən istənilməyən şeylərə görə zəhmətə salmayın”.
13. "Peyğəmbərin (s) qızı Fatimə (s.ə) mənim üçün nümunədir”.
14. "Ağcaqanadın qanadlarının onların dindarlığından daha möhkəm
olduğu Əhli-Beyt (ə) davamçılarının nadanları və az ağıllıları bizlərə
əziyyət verirlər”.
15. "Sağ yoldan sol yola azmayın, bizə tərəf yönələn aydın yola əsasən bizimlə dostluğunuzu məqsəd qərar verin”.
16. "Bizim sizin halınızdan və vəziyyətinizdən tamamilə xəbərimiz vardır və onların heç biri bizə gizli deyildir”.
17. "Əgər sizə məhəbbətimiz olmasaydı, faydalarınızı görməsəydik,
sizə şəfqət və rəhm edilməsəydi, sizinlə danışmağı tərk edərdik”.
18. "Hər kim (nahaq) bizim malımızdan nə isə yeyərsə, sanki mədəsinə alov yemişdir. Tezliklə cəhənnəm atəşinə düşəcəkdir”.
19. "O zaman ki, heç kimə başqasının malını sahiblənməyə icazə
verilmir, bəs necə olur ki, bu işi bizim malımızla edirsiniz?!”.
20. "Sizin bizə çatdırdığınız malı o zaman qəbul edirik ki, pak
olsun. Ona görə də hər kim onu istəyirsə bizə çatdırsın, istəmirsə
çatdırmasın. Allahın bizə verdiyi sizə verdiyindən daha yaxşıdır”.
21. "Vacib namazlardan sonra dua və təsbih demək müstəhəb
namazlardan sonra dua etməkdən üstün olduğu kimi, vacibat da
müstəhəbatdan üstündür”.
22. "Şükür səcdəsi - ən lazımlı və gərəkli müstəhəblərdəndir”.
23. "Heç bir şey namaz kimi şeytanın nəzərini yerə dikmir, ona görə də namaz qıl və şeytanın nəzərini yerə dik”.
24. "Əgər hidayət olmağı istəsən, hidayət olarsan, əgər axtaransansa, tapan olarsan”.
Hazırladı: Məşhədi Xanım,
|
