.

İmam Əli (ə) buyurur: "Hələ ki, əməllərinizin qəbul olması üçün fürsət var, tövbə faydalı olur, dua yerinə yetər, rahatlıqla yaşayar, qələmlər hərəkətdədir (mələklər saleh əməlləri yazır) - əməl edin”. Ancaq əgər bu fürsət əldən gedərsə, ölümün astanasında olarıqsa, bütün bu imkanlar aradan gedər. Həsrət və qəmdən başqa yerində heç nə qalmaz.

İmam (ə) yuxarıda söylədiklərinin şərhində buyurur: "Ömür sizə arxa çevirməmişdən qabaq saleh əməlləri yerinə yetirməyə başlayın. Ya xəstəlik o əmələ mane olar, ya ölüm (sizdən hər şeyi) oğurlayar”.

Qocalıq çağında insan bədənin bütün güc və qüvvəsi zəifləyir və öz əvvəlki qüdrətini əldən verir. Bu zaman insan ibadətlərini kamil şəkildə yerinə yetirə bilmir.

İmam (ə) ölümün 6 sifətini açıqlayır və buyurur: "Ölüm sizin ləzzətlərinizi viran edəndir. Ürəyinizdə olan istəkləri zülmətə çevirəndir. Səfər mənzillərinizi uzaq edər (yəni hədəfinizə çatmaqdan sizi saxlayar), görüşəcəyiniz şeydir ki, həmişə seviləsi deyildir. Məğlub olmaz düşməndir və izləniləsi mümkün olmayan cinayətkardır”.

İmam (ə) bu nurani kəlamı ilə bizi xəbərdar edir ki, ölüm hamımızın sorağına gələcəkdir. Elə bir nişancıdır ki, hamını nişana alar. Elə bir düşməndir ki, ən güclü insanlar onunla mübarizə edə bilməz. O, gələcək və hər şeyi bir-birinə qarışdıracaqdır. İmamın (ə) bu kəlamları insanları qəflət yuxusundan ayıldan sözlərdir. Qafilləri oyadar və məst olanları ayıldar.

İmam (ə) davamında buyurur: "Tələsi sizin əl və ayağınıza düşmüşdür (xəstəlik kimi zahir olmuşdur). Müsibət və çətinliklər sizin bütün varlığınızı əhatə etmişdir. Oxları sizi hədəfə almışdır (hər an sizə tərəf atıla bilər). Heybəti sizin üçün əzimdir. Davamlı olaraq sizə təcavüz edər”.

İmam (ə) bu kəlamında ölümü bir ovçuya bənzətmişdir ki, bütün insanlara tələ qazar. Onun oxu xata etməz. Ya da peşəkar bir qılınc çalandır.

Əgər insan hər hansı bir işdə şəkk edə bilərsə, ölümdə heç bir zaman şəkk etməz. Dünyanın ən qəhrəman insanları onun qarşısında diz çökmüşdülər. Peyğəmbərlər (ə) və İlahi Övliyalar belə ondan canlarını qurtara bilməmişdilər.

İmam (ə) yenə buyurur: "Ölümün qaranlıq kölgəsi sizə əhatə etməyə yaxındır. Xəstəliyin şiddəti sizi bürüyər. Onun ziyanları sizə hakim olar. Ölüm qaranlığı sizi bürüyər və ruhun bədəndən çıxmaq ağrısı sorağınıza gələr. Qaranlıq pərdələri sizin üzərinizə enər və ölüm şərbəti sizə dadızdırılar”.

İmam (ə) bu sözləri ilə bizə xəbərdarlıq edir ki, ölüm yaxındır, hər an xəstə yatağına düşə bilərik. O qədər olub ki, insan bir an içərisində ölümün acı şərbətini dadıbdır. İmam (ə) buyurur: "Sanki ölüm qəflətən sizə gələr və daxil olmağı ilə sizi hətta asta danışmaqdan belə sakit edər. Məclis əhlinizi dağıdar. Əsərlərinizi məhv və evlərinizi sahibsiz qoyar. Varisləriniz mallarını aralarında bölərlər”.

Ölüm kiçik və böyük tanımır, hər bir halda insanın sorağına gələ bilər.

Məhrum Əllamə Şuştəri peyğəmbərlərdən (ə) Həzrət Musanın (ə), Həzrət Davudun (ə) və Həzrət Süleymanın (ə) dünyadan qəfildən getdiyini bəyan edir. Süleymanın ölümü haqqında Quran da şahidlik edir. Ölüm mələyi gəlir və canını alır. Ancaq o əsasına söykənən vəziyyətdə 3 gün dayanmış olur.

İmam (ə) ölənin yerdə qalanlarını üç dəstəyə bölərək buyurur: "Ölənin xüsusi dostlarıdır ki, ancaq o an dostluğun heç bir təsiri olmur. İkinci dəstə qohumlarıdır ki, çox qəmgin olarlar ki, ölümü dəf etməyə qüdrətləri yoxdur. Üçüncü dəstə düşmənlərinizdir ki, sizin ölümünüzə görə ah-zar etmir”.

Beləliklə, deyə bilərik ki, ölüm hər an bizi izləyir və hər an bizə bu acı şərbəti içizdirə bilər. Ona görə də həyatda bir çoxlarının qəfildən öldüyünə şahid olan qafillər! Necə ola bilir ki, hələ də öz işinizdəsiniz və günah işlətməkdə davam edirsiniz? Mal və məqam əldə etmək üçün müxtəlif bəlalara düçar olursunuz?

(Tebyan/ Deyerler.org)