.

1. Düzgün inanc.

Allaha inanmaq, axirətə inanmaq, ixlasın güclənməsində mühüm rola malik olan amillərə inanmaq - ixlası gücləndirər. İmam Əli (ə) buyurur: "İxlasın səbəbi yəqinlikdir (inancdır)”. Bəli, o kəsin ki, inancı var, inanır ki, Allah hər şeyə qadirdir. Onun bütün sirlərinə agahdır. Bilir ki, hesab, Qiyamət, behişt və cəhənnəm Onun əlindədir. Belə olan halda əməllərini necə xalis etməyə bilər ki?

2. Elm və bilik.

Elm və bilik, xüsusilə də dini elm əgər insan qəlbində olarsa, bu hədisi xatırladar: "Elm nurdur ki, Allah hər bir kəsin qəlbində istəsə qərar verər”. Səmərəsi ixlas olar. İmam Əli (ə) buyurur: "Elm və biliyin meyvəsi - əməldə ixlasdır”.

3. Arzuları azaltmaq.

Arzu - insan həyatı üçün zəruri olan amillərdəndir. Əgər arzu olmasa, insan səy etməz və fəaliyyət göstərməz. İnsanı ixlasdan məhrum edən arzu - uzun və yersiz arzulardır. İmam Əli (ə) buyurur: "Arzuları azalt, əməllərin xalis olar”.

4. Başqalarından ümidsiz olmaq.

Muxlis bəndə o kəsdir ki, əlini başqalarına kömək dalınca uzatmaz. Başqalarının cibinə ümid etməz. İxlasın ən həssas amillərindən biri başqalarından ümidsiz olmaq və Allaha tam ümid bəsləməkdir. İmam Əli (ə) buyurur: "İxlasın kökü - insanların əlində olanlardan ümidsiz olmaqdır”.

Ayətullah Hüccət Nəcəfdən Quma gəlir. Ayətullah Əbdulkərim Hairi ona xəbər göndərir ki, nə zaman pula ehtiyacı olsa, biz xidmətində hazırıq. Ayətullah Hüccət cavab verir: "Mən onun lütf və kəramətinə görə təşəkkür edirəm. Ancaq əgər mənim pula ehtiyacım olsa, Kərim Allahdan istəyərəm, nəinki Şeyx Əbdulkərimdən”.

Bunu nəzərə almalıyırıq ki, Allah üçün ibadət və itaət o deyildir ki, insan Allah üçün etdiyi bütün səylərindən əl çəksin. Əslində ailəsi və əhli-əyalı üçün etdiyi səylər də Allah üçündür. Bu, ixlasla heç bir ziddiyyət təşkil etmir. Yaxşı olar ki, bu sözləri Həzrət Peyğəmbərdən (s) eşidək.

Bir gün Peyğəmbər (s) səhabələri ilə bir yerdə əyləşmişdi. Bir güclü cavanı görür ki, səhər tezdən işlə məşğul olur. Səhabələri dedilər: "Əgər bu cavan gücünü Allah yolunda işə salsaydı, mədhə layiq olardı”. Həzrət Peyğəmbər (s) buyurur: "Bu sözü deməyin. Əgər bu cavan qazanc əldə etmək üçün çalışırsa, həyatında başqalarına möhtac olmaq istəmirsə, o, bu əməli ilə Allah yoluna qədəm basmışdır. Əgər iş görürsə, valideynlərinin xeyirinə görədir, ya da zəif uşaqlarının ehtiyacını təmin etmək üçündür. İnsanlardan ehtiyacsız etmək istəyir. Yenə də Allah yoluna qədəm basar. Əgər işləyirsə ki, yoxsulun yanında öz malı ilə fəxr etsin, mal-dövlətini artırsın, onda şeytan yoluna getmiş olar, Haqq yolundan azmış olar”.

Əməllərimizi və niyyətlərimizi xalis edək ki, Allahın saleh bəndələrindən olaq.

(Tebyan/ Deyerler.org)