.

Əmr deyir: "Yəbnə Rəsulallah! Quranda adı çəkilmiş bu kəbirə günahları tanımaq istəyirəm. İmam (ə) da qəbul edir və onları saymağa başlayır:

1. Allaha şirk bəsləmək.

Allah Quranda buyurur: "Şübhəsiz, Allah Ona şərik qoşulmasını (bu günahı) bağışlamaz”. ("Nisa” 48).

2. İlahi rəhmətdən ümidsiz olmaq.

"Allahın qurtuluş və mərhəmətindən naümid olmayın ki, Allahın mərhəmətindən kafirlərdən başqa heç kim naümid olmaz”. ("Yusif” 87).

3. Ağvalideyn olmaq.

"Və məni anama xeyirxah edib və təkəbbürlü, itaətsiz və rəhmətdən məhrum etməyib”. ("Məryəm” 32).

4. İnsan öldürmək.

"Kim bir mömini qəsdən öldürsə (və bu əməli halal hesab etsə), onun cəzası Cəhənnəmdir ki, orada əbədi qalacaqdır. Həmçinin Allah ona qəzəb edər, onu Öz rəhmətindən uzaqlaşdırar və onun üçün böyük bir əzab hazırlayar”. ("Nisa” 93).

5. İffətli qadına töhmət vurmaq.

"Həqiqətən iffətli, (günahdan) xəbərsiz, imanlı qadınlara zina isnad verən kəslər dünyada və axirətdə lənətlənmişlər və onlar üçün böyük bir əzab vardır”. ("Nur” 23).

6. Yetimin malını yemək.

"Həqiqətən yetimlərin mallarını zülm ilə yeyənlər əslində qarınlarına od daxil edirlər (yetimin malına toxunmağın axirətdəki gerçək təzahürü od yemək olacaqdır). Və onlar tezliklə (yetimin malını yeməklə ölüm arasındakı az bir fasilədən sonra) yanar oda daxil olar və onun hərarətini dadarlar”. ("Nisa” 10).

7. Müharibədən fərarilik etmək.

"Həmin gün – döyüşü davam etdirmək üçün başqa bir yer axtaran (yenidən hücum etmək üçün geri çəkilmə fəndi işlədən) və ya (döyüşçü) dəstəyə qoşulmaq üçün yeni bir mövqe seçən şəxs istisna olmaqla – onlara arxa çevirən kəs mütləq, Allahın qəzəbini özünə qoşmuşdur və onun sığınacağı Cəhənnəmdir. Ora - pis bir dönüş yeridir”. ("Ənfal” 16).

8. Sələmçilik.

"Sələm yeyən kəslərin (insanlar arasındakı) duruş və rəftarları şeytanın toxunaraq dəli etdiyi (davranışının tarazlığını pozduğu) kəsin rəftarı kimidir. Bu onların «şübhəsiz, alış-veriş də sələm kimidir» demələrinə görədir. Halbuki, Allah alış-verişi halal, sələmi isə haram etmişdir”. ("Bəqərə” 275).

9. Zina.

"Və o kəslər ki, Allahla birgə başqa məbud çağırmır, Allahın möhtərəm və toxunulmaz etdiyi canı (qisas, şəri cəza və sairə kimi) haqq (qətllər) istisna olmaqla öldürmür və zina etmirlər. Kim bunları etsə, (ağır) bir cəza ilə qarşılaşar”. ("Furqan” 68).

10.Yalandan and içmək.

"Həqiqətən, öz əhd-peymanları və andları(nı - dini qəbul etmək barəsində olan əhd-peymanlarını və haqqa kömək üçün olan andlarını pozmaq) müqabilində ucuz bir qazanc (vəzifə və mal) əldə edən kəslərin axirətdə bir payları yoxdur”. ("Ali-İmran” 77).

11.Xəyanət.

"(Həm səmavi şəriətlər və həm də sağlam ağıl baxımından) heç bir peyğəmbərə (qənimətlə  əldə edilmiş mallarda və sairədə öz ümmətinə) xəyanət etmək yaraşmaz”. ("Ali-İmran 161).

12. Zəkat verməmək.

"Ey iman gətirənlər, şübhəsiz, kitab əhlinin alimlərindən və rahiblərindən bir çoxu camaatın mallarını haqsız yerə (Tövrat və İncili təhrif etmək və rüşvət almaq bahasına) yeyirlər və (camaatı) Allahın yolundan saxlayırlar. (Kafirlərdən, yaxud müsəlmanlardan) qızıl və gümüş yığıb onu Allah yolunda xərcləməyən (onda olan vacib haqqı ayırmayan və qalanını ümmətin iqtisadiyyatının güclənməsinə sərf etməyən) kəslərin hamısını ağrılı bir əzabla müjdələ. O gün ki, onlar (həmin qızıl-gümüş) Cəhənnəm odunda qızardılacaq və onlarla həmin şəxslərin alınlarına, böyürlərinə və kürəklərinə dağ basılacaq (onlara): «Bu, özünüz üçün yığdığınız həmin xəzinələrdir, odur ki, dadın yığdıqlarınızın cəzasını!» (deyiləcəkdir)”. ("Tövbə” 34-35).

13.Yalandan şahidlik etmək.

"Kim tövbə etsə və yaxşı işlər görsə, o, gözəl və bəyənilən şəkildə Allaha tərəf qayıdar. (Buna görə də günahın savaba çevrilməsi təəccüblü deyil)”. ("Furqan” 71).

14. Şəhadəti gizlətmək.

"(Lazım olan zaman) şəhadəti gizlətməyin. Kim onu gizlətsə, onun qəlbi günahkardır”. ("Bəqərə” 283).

15. Şərab içmək.

Hədislərin birində deyilir: "Şərab içmək bütə pərəstiş etmək deməkdir”.

16. Namazı tərk etmək.

Həzrət Peyğəmbər (s) buyurur: "Hər kim bilərəkdən namazı tərk edərsə, Allah və Rəsulu ondan bezar olarlar”.

17. Qohumluq əlaqəsini kəsmək.

"Həmin kəsləri ki, Allahla əhd-peyman bağladıqdan sonra onu pozur (Allahın hökmləri əqli və nəqli cəhətdən sübuta yetirildikdən sonra onlarla müxalifət edir), Allahın, birləşdirilməsini əmr etdiyi şeyləri (qohum-əqrəba, məsumlar və din kimi şeylərlə əlaqəni) kəsir və yer üzündə fitnə-fəsad törədirlər. Ziyana uğrayanlar da onlardır”. ("Bəqərə” 27).

18. Pis söz danışmaq.

"Əyri söz(lər)dən uzaq olun”. ("Həcc” 30).

19. Allahın qarşısnda ağılsızlıq etmək.

"Belə isə, məgər Allahın məkrindən və qəfil əzabından xatircəmdirlər? Halbuki, ziyana uğramış dəstədən başqa heç kəs özünü Allahın məkrindən amanda bilmir”. ("Əraf” 99).

20. Nemətə naşükürlük etmək.

"Və (yada salın) o zaman(ı) ki, Rəbbiniz (belə) elan etdi: «Əgər şükür etsəniz, sizə (olan nemətləri) mütləq artıraram və əgər kafir olsanız, ya naşükürlük etsəniz, Mənim əzabım, əlbəttə çox şiddətlidir”. ("İbrahim” 7).

21. Satışda az vermə.

"Vay halına əskik satanların!” ("Mutəffifin”. 1).

22. Bidət.

Həzrət Peyğəmbər (s) buyurur: "Hər kim bidət edənin üzünə gülsə, dini ilə oynamış olar”.

Beləliklə bu hədisdən görmək olur ki, İmam (ə) bəzi yerlərdə Quran ayələrinə və bəzi yerlərdə də hədislərə istinad etmişdir. Bunun səbəbi odur ki, Həzrət Peyğəmbərin (s) söylədiyi vəhylər özündən deyil, Allahdan idi. O, heç bir zaman özündən nəyisə deməmişdi və bunu Quran da təsdiq edir: "O, (Quranın və ilahi tapşırıqların çatdırılmasında) əsla nəfsi istəkləri ilə danışmır. Dedikləri yalnız, (yuxarı aləmdən) ona ilham olunan vəhydir”. ("Nəcm” 3-4).

Hazırladı: Məşhədi Xanım,

Deyerler.org