Deyerler.org:
Ayətullah Cavad Amuli Əllamə Həsənzadə Amulinin ehtiram mərasimində
demişdir: "Əllamə Həsənzadə Amuli İslam dünyasının fəxridir və o, hikmət
və mərifət dahilərindən idi. Bu böyük alimin şəxsiyyəti təqdirə
layiqdir. Əlbəttə çox az insan bu tofiqə nail olmuşdur. O, gözəl
hövzədən, müəllimlərdən bəhrələnmişdir. Kitablara bağlı bir insan idi.
İslam hikməti o zaman çiçəklənmişdir ki, İslam mənbələrindən
ilhamlanmışdır. Əgər fiqhimiz çiçəklənibsə, ona görədir ki, güclü
mənbələrə əsaslanmışdır. Əgər istəyiriksə ürfanımız səhmana düşsün -
böyük cihad meydanına daxil olmalıyıq. Cihad meydanında üç yol
mövcuddur: təslim olmaq, qalib olmaq və məğlub olmaq. Cihad meydanında
daha çox şəhidlik nəsib olur. Çünki o qədər ox atırlar və o qədər ox
sənə dəyir ki, şəhid olursan. Bizim vəzifəmiz odur ki, ilk növbədə əqli
gücümüzü tanımalıyıq. Sonra qəlbimizi ürək mühəndislərinə verməliyik ki,
qəlbimizin əsas mənbəyi olan Quran və itrət ilə bizi tanış etsinlər.
Üçüncü mərhələdə isə başqalarının elmindən istifadə etməliyik ki, həm
fəlsəfə kamala çatsın, həm də ürfan inkişaf etsin. Islam hikmətinin ali
şurasının vəzifəsi odur ki, yeni zühir etmiş və yanlış ürfanların
qarşısını alsınlar. Əgər hikmət dərsini yüz müəllim tədris edirsə, ən
azı on nəfər şagird tərbiyə edə bilərlər”. (abna) Hözvənin bu
müəllimi keçmişdəki bütpərəstliyə işarə edərək, demişdir: "Od İbrahim
üçün gülüstana çevriləndən sonra insanlar iman gətirdi və dindar
oldular. Əgər yunan öz dinində müvəfəqiyyət qazanıbdırsa, ona görədir
ki, bu torpaqların insanları İlahi əmanəti qoruyublar. Ancaq Hindistanda
belə alimlər yox idi. Ona görə də orada budda və hindu firqəsi meydana
gəlmişdi. Tövhidi hifz etmək üçün isə biz gərək 4-cü əsrin alimlərini,
Fərabini və Əbulhəsən Amirini qoruyaq. Tövhidə və dini elmlərə ziyan
dəyərsə, siz fəlsəfə tələbələri məsuliyyət daşıyacaqsınız. İndiyə qədər
fikri inkişafına görə bu cür ziyanlardan qorunmuşuq. Bizim əsrimizdə
hövzənin mühüm vəzifəsi odur ki, İslam məktəbini hifz etməlidir”.
|