Qələbə yalnız birlikdədir!
"Biz
kitabdan (Tövratdan) sonra Zəburda da yer üzünün varisinin
(hakimiyyəti) yalnız Mənim saleh bəndələrimin olacağını yazmışdıq.”
(Ənbiya surəsi 105)
Nə qüssə fəlakət nə də ki qəm olacaqdır! İslama bütün yer kürəsi cəm olacaqdır!
Yer üzündə Allah-taalanın yeganə höccəti Zəmanənin İmamının (əc)
təvəllüdü münasibəti ilə bütün Quran və Əhli-Beyt (ə) aşiqlərini təbrik
edirəm! İslam aləmində ən mühüm mövzulardan biri müsəlmanların
birliyidir. Bu məsələ İslamda o qədər mühümdür ki, tarixdə göründüyü
kimi İslam Peyğəmbərinin (s) vəsiyyətinə əsasən, Xeybər qalasın tək əllə
qaldıran, 23 il islami döyüşlərdə qəhrəmanlıq göstərən və iman
səviyyəsinə görə əziz Peyğəmbərimizin (s) canı sayılan Əmirəlmöminin Əli
(ə) müsəlmanların birliyinə xatir 25 il səbr edir. Sinəsi elm və imanla
dolu olan belə bir İmam və Rəhbərdən cəmiyyət lazımı dərəcədə istifaə
edə bilmir. Həmçinin, İslam Peyğəmbəri (s) tərəfindən belə bir şəxsin
müsəlmanlara Rəhbər təyin edildiyi halda, məscidə gedib qanunsuz
xilafətə gəlmiş bir kimsənin arxasında namaz qılmasının özü (əlbəttə,
iqtida etmədən) İslamda zahiri birliyin nə qədər əhəmiyyətli və zəruri
olduğunu göstərir. Qısaca demək olar ki, bəzən "ixtilaf” inkişafa
səbəb olsa da əgər hər hansı bir hədəf üçün qələbə uğrunda mübarizə
aparılırsa, İslam cəmiyyətində qələbənin bir neçə zəruri kökləri və
əsasları vardır ki, onu qorumaq hamı üçün vacibdir. Elə buna görə də hər
hansı sahədə mübarizəyə qalxmış imanlı şəxsiyyətlərin də bu məqamlara
diqqət edib riayət etməsi zəruri bir məsələdir. Onlardan biri, hər bir
hərəkət və mübarizədə Allahı nəzərə alıb bütün işləri Allah-Taalaya
xatir görməkdir. Çünki, əgər mübarizə Allah-Taalanın bəyəndiyi xəttdən
çıxıb, nəfsə və həva-həvəsə tabe olsa, xalisliyini əldən verər və təbii
ki, artıq meydanda xalis qələbədən də söz belə gedə bilməz. Quran hər
bir işdə Allah-Taalanın mühüm və əsas olmasını açıqlayır: "Yalnız
Allahın sözü ucadır. Allah yenilməz qüvvət, hikmət sahibidir!” (Tövbə
surəsi 40). Ona görə də bütün rəftar və sözlərimizdə həmişə
Allah-Taalanı nəzərə alıb irəli getməliyik. Bu mövzuda ikinci məsələ isə
qələbədə mübarizlərin özlərinin birliyidir. Ola bilər səliqə və
taktikalar fərqlənsin amma, bütün bunlar səbəb olmamalıdır ki, mübariz
insanların əsl birlik və ittifaqına zərbə dəysin. Ən az siyasi görnüşü
olan bir insan bilir ki, düşmən də elə bunu istəyir. O cəhətdən, Quranda
bu haqda oxuyuruq: "Hamılıqla Allahın ipinə (dininə, Qurana,
Əhli-Beytə) möhkəm sarılın və ayrılmayın!” (Ali İmran 103). Yenə də
başqa bir ayədə oxuyuruq: "(Ya Peyğəmbər!) Dini doğru-dürüst tutun
(qoruyub saxlayın), onda ayrılığa düşməyin!" (Şura surəsi 13) Quran
ixtilaf salmaq istəyənləri "ağılsızlar” adlandırır çünki, ən sadə və
savadsız insan da bilir ki, ixtilafla heç vaxt düşmənə qalib gəlmək
olmaz. Düşmənin ilk taktikası qarşı tərəfin arasında ixtilaf salsın.
Təsəffür edin ki, döyüş meydanında əsgərlər hücuma keçir. Bu zaman
əsgərlər arasında kimə tərəf atəş açılmasında ixtlaf olsun. Bununla da, o
dəstə özü-özünü məhv edəcəkdir. Mübarizə meydanı eyni döyüş meydanı
kimidir. Düşmən tərəf yəni, əslində şeytan tərəf, imanlı və mübarizləri
hərtərəfli nəzarətə alıb xırda fürsət gəzir ki, onların birliyini
pozsun. Bu arada şeytanın dəyirmanına bilməyərəkdən su tökmək çox acı
nəticələrə gətirib çıxarar. Biz şeytanı görmürük ancaq, şeytan bizi
hərtəfəli görür. Quranda şeytanın insana həmləsi haqqında oxuyuruq:
"(İblis) dedi: "Sən məni (Adəmə səcdə etmədiyimə görə) azdırıb yoldan
çıxartdığın üçün mən də Sənin düz yolunun üstündə oturub insanlara (Sənə
ibadət və itaət etməyə) mane olacam! Sonra onların yanına qarşılarından
və arxalarından, sağlarından və sollarından gələcəyəm və Sən onların
əksəriyyətini şükür edən görməyəcəksən!" (Əraf surəsi 16-17) Ayədən
məlum olur ki, şeytan özü düz yolun üstündə oturub insanları əyri yola
yollamaqla məşğuldur. Bu da insanlar üçün böyük sınaqdır. Allah-Taala
bəzi ixtilafların əsl səbəbini Qiyamətə saxlayır və üstündən keçməyi
tövsiyə edir: "Allah bununla (bəzi qarşıya çıxan işlərlə) yalnız sizi
sınayır. O, Qiyamət günü ixtilafda olduğunuz (dini) məsələləri sizə izah
edəcəkdir!” (Nəhl surəsi 92). Bəzən elə olur ki, ixtilaf istər-istəməz
fitnə yaradır və Quran baxımından cəmiyyətdə fitnə yaratmaq ölümdən də
betərdir. Quranda bu haqda oxuyuruq: "Fitnə qətldən daha şiddətlidir.”
(Bəqərə surəsi 191) Digər bir ayədə oxuyruq: "(Din naminə) fitnə salmaq
isə (haram ayda) vuruşmaqdan daha betərdir!” (Bəqərə surəsi 217)
Nəhayət, Allah-Taala Quranda ixtilafın ən acı nəticəsini açıqlayır. O da
insandan imanın, şücaətin, qüdrətin və səbrin aradan getməsidir.
Allah-Taala bu haqda möminlərə belə əmr edir: "Allah və Onun
Peyğəmbərinə itaət edin. Bir-birinizlə çəkişməyin, yoxsa qorxub
zəifləyər və gücdən düşərsiniz. Səbr edin, çünki Allah səbr
edənlərlədir!” (Ənfal surəsi 46) Bu mövzuda Əmirəlmöminin Əli (ə)
kəlamı daha maraqlıdır. Həzrət, ixtilafı çox iti bir ülgücə bənzədir ki,
hansı cəmiyyətdə olsa, orda ilk əvvəl dini kökündən qaşıyar və onun
əsərlərini aradan aparar. Həzrət buyrur: "Bir-birinizin həsədini
çəkməyin (başqasının zavala uğramasını arzulamayın). Çünki alov odunu
diddiyi kimi (yandıraraq külə döndərdiyi kimi) həsəd də imanı didər
(məhv edər, dağıdar). Bir-birinizlə düşmənçilik etməyin, çünki
düşmənçilik (qohumlarla əlaqənin kəsilməsinə və) hər bir xeyrin,
bərəkətin (dinin) (ülgücün saçı başdan qırxdığı kimi dibdən) kəsilməsinə
səbəb olar." (Nəhcül-Bəlağə, 85-ci xütbə) Sonda bütün fitnə və
ixtilafdan Allah-Taalaya pənah aparır və bütün deyilənlərlə ilk növbədə
özümü öyüd-nəsəhət etməyə çalışdım. Çünki, bu mövlamız Əmirəlmömininin
(s) kəlamıdır ki, buyurur: "Ey Аllаһ bәndәlәrи, insаnlardan özünә әn
çox öyüd verәni Pәrvәrdigarına daha çox itaәt vә bəndəlik edəndir...
Хoşbәxt о şәxsdir ki, başqalarından öyüd alsın (yaxşı әml sahiblәrinin
yolu ilә gedәrәк pis insanların çirkin әmәllәrindәn uzaqlaşsın) vә
bәdbәxt о şәxsdir ki, nәfsinin istәklәlrinә vә öz nadürüstlüklәrinә
aldansın (nәfsinә itaәt edәrәk onun tәhlükәsindәn xәbәrsiz olsun).
(Nəhcül-Bəlağə, 85-ci xütbə)
Faiq Vәlizadә 2011-07-16
|