 Bu dəfəki İmam Cümə ilahiyyatçı alim Hacı Əkrəm Əliyev olub.
"Məşhədi Dadaş”da növbəti Cümə namazı qılınıb.
Məscidin İmam Camaatı Hacı Şahin Həsənlinin Bakıda olmamasına baxmayaraq xütbələr söylənilib, Cümə namazı qılınıb.
İslam-Azeri.az
internet qəzetinin xüsusi müxbirinin verdiyi məlumata görə, bu dəfəki
İmam Cümə ilahiyyatçı alim Hacı Əkrəm Əliyev olub. O ilk öncə özünü və
namaz iştirakçılarını təqvaya dəvət edib.
Xütbələrini qısa edən
xətib deyib: "İlk öncə onu qeyd eləmək istəyirəm ki, bir nüçə gündən
sonra Ramazan ayı daxil olacaq. Əgər yadınızdadırsa, keçən
söhbətlərimizdə demişdik ki, Rəcəb və Şaban ayı Ramazan ayı üçün
müqəddimədir. İnsanlar bu günlərin qədrini bilsinlər, hazırlaşsınlar ki,
Ramazan ayının bərəkətindən məhrum olmasınlar. Ramazan ayı insanlar
üçün mühüm aydır. Bu ayda insan öz nəfsinə qələbə çalmalıdır. Əlimizdə
olan fürsətlərin qədrini bilməlidir. Ramazan ayına az qalmış insanlar
hazırlaşmalıdırlar. Hazırlıq həm mənəvi, həmdə fiqhi baxımdan
hazırlaşmalıdırlar. Bilməlidirlər ki, orucu nə batil edir, nə vaxt orucu
açmaq olmaz, nə vaxt icazə verilir. Ruhi baxımdan hazırlaşması
lazımdır. Baxmalıdırlar hansı cəhətdən zəifdirlər, o barədə
hazırlaşmalıdırlar. Ramazan ayına az qalıb. Əlimizdə olan bu fürsəti
qənimət bilək”.
İkici xütbəsinə isə İmam Cümə belə başlayıb: "Hər
kimin qəlbi dünyaya bağlansa, onun qəlbi 3 xüsusiyyətə malik olacaq.
Birincisi bundan ibarətdir: bu insana qəm üz verəcək, elə bir qəm ki,
heç vaxt qurtamayacaq. Hər kəs dünyanın istəklərinə tərəf hərəkət etsə, o
qəmlər insanda həmişə olacaqdır. Buyurublar: dünya dəniz suyu kimidir.
Içdikcə yandıracaq. Suyu içən başa düşmür ki, onun susuzluğu
qurtarmayacaq. O su onu həlak edəcək. Dünyada bu cür kimidir. Nə qədər
gedirsə getsin, nəfsi heç vaxt "bəsdir” deməyəcəkdir. İkinci xüsusiyyət:
qəlbi dünya məhəbbəti ilə dolu olan insan əlçatmaz arzulara qərq olur.
Onda elə bir arzular yaranır ki, o bu istəklərinə yetişə bilmir. Üçüncü
xüsusiyyət budur ki, o əlçatmaz şeylrə ümid bəsləyir. Elə kəslərə və
şeylərə ümid edir ki, heç vaxt o şeylrə nail olmaycaq. Hər bir insanki,
dünyaya bağlansa bu şeylər onda olması mütləqdir. Belə insanlar
yavaş-yavaş əsas məqsədləri yaddan çıxararaq dünyaya bağlanırlar. Ümiddə
bir irəliləyiş olmalıdır. Arzu ilə ümidin fərqi budur ki, ümiddə
hərəkət olur, amma arzu hərəkətsiz olur. Hədis bizə bu üç xüsusiyyətə
diqqət etməyimizi istəyir”.
Əli / islamazeri.az
|
