Fələstin
fenomeni ötən əsrin əvvəllərindən indiyədək bir çox İslam alimlərinin,
filosoflarının, fəqih və ictimai-siyasi xadimlərin nəzərlərində başlıca
diqqət obyektlərdən biri olmuşdur. Öz çıxışlarında ümməti Fələstin
mübarizəsini və müqavimətini diri və qalib tutmağa sövq edən belə
dühalardan biri şəhid ustad Mürtəza Mütəhhəri olmuşdur. Onun son
yüzillikdə elmə, fəlsəfəyə və bəşərə verdiyi misilsiz töhfələr dünya
vicdanları və ziyalıları tərəfindən əvəzsiz nailiyyətlər kimi
dəyərləndirilməkdədir. Həyatın bütün sahələrdə qəhrəman olan Şəhid
Mütəhhəri, Fələstin fenomenində də heç zaman sükut etməmiş və hər zaman
Qüdsün azadlığı eşqi ilə yaşamışdır. Şəhid ustadın təqribən 30-35 il
bundan öncə söylədiyi bir çıxışında indi də aktual olan problemlərə
toxunması onun İslam dərdlərini necə yəqinliklə tanımasından, aydın,
parlaq və iti zəkasından xəbər verir. Onun pak və mütəhhər ruhuna bir
salavat hədiyyə etməklə həmin çıxışı dəyərli nəzərlərinizə çatdırırıq.
"Fərz edin əgər Peyğəmbər (s) bu gün həyatda olsaydı nə edərdi? Nə
kimi məsələlər onu düşündürərdi? Vallah, vallah, mən and içirəm,
Rəsuli-Əkrəm (s) mübarək məzarında bu gün sionistlərin əlindən cana
gəlib. Ay canım, bu məsələ gün kimi aydın bir məsələdir, gün kimi aydın.
Əgər bunu bir nəfər deməsə, günahdır. Əgər mən deməsəm, vallah, günah
eləmişəm. Əgər hər xətib və vaiz deməsə günah edir. İslami
nöqteyi-nəzəri qoyaq kənara. Bu nə qondarma tarixdir axı? Fələstin
məsələsi bir islami dövlətlə yox, bir millətin taleyi ilə bağlıdır, bir
millətin. Bir millət ki, onu zorla öz yurdundan çıxarırlar.
Sən bunların qondarma tarixinə bax. Sionistlər iddia edirlər ki, 2 min
il bundan qabaq bizdən iki nəfər, - biri Davud (ə) və biri də Süleman
(ə) peyğəmbər, - bu yerlərdə bir müddət səltənətdə olub. Vəssalam. Siz
bu 2 min illik tarixi oxuyun, görün Fələstin torpaqları nə vaxt
yəhudilərin olmuşdur? Nə vaxt? Nə vaxt bu ərazilərin çox hissəsi
yəhudilərə mənsub olmuşdur? Nə vaxt? Nə İslamdan əvvəl, nə də İslamdan
sonra Fələstin onların olmamışdır. O vaxt müsəlmanlar Fələstini fəth
edəndə yəhudilərin yox, xristianların ixtiyarında idi. Xristanların
müsəlmanlarla bağladığı sülh müqaviləsinin şərtlərindən biri də bu
olmuşdu ki, məbadə siz bu torpaqlarda yəhudilərə yer verəsiniz. Və
müqavilədə bu maddə də yerləşdirilmişdi. Xristianlar dedilər ki, biz
sizinlə yaşamağa hazırıq, amma yəhudilərlə yaşamarıq.
Deyin, nə vaxt onların olub? Necə oldu birdən-birə gəldi özünə
yəhudilərin vətəni adını aldı? Üzümü tuturam bu məsələyə şübhə ilə
yanaşanlara. Bir müsəlman kimi danışmaq istəmirəm, məsələyə gəlin adi
insan məntiqilə nəzər salaq. Özünü saxta insan hüquqları, azadlıq, nə
bilim hümanizm şüarları ilə qulaqlarımızı deşən bu əsrimizin
səhifələrini qaraldan səhifələrdən biri də Fələstin məsələsidir.
Sionistlərin düşünən beyinləri görürlər ki, yəhudilər dünyanın hər
yerində başqa millətlər tərəfindən sıxıntıya məruz qalırlar. Məsələn,
Rusiyada acınacaqlı vəziyyətdədirlər, Almaniyada da elə bu cür. Polşada
da həmçinin və demək olar ki, dünyanın hər yerində. Məsələni müzakirə
edib deyirlər ki, əgər biz dünyanın müxtəlif ölkələrinə pərakəndə
şəkildə yayılıb hər yerdə azlıq təşkil edəcəyiksə, aqibətimiz elə belə
də olmalıdır. Biz özümüzə mütləq bir yeri mərkəz seçməli və orada
yerləşməliyik. Bütün yəhudi milləti, yəni yəhudilər və yəhudi məzhəbində
olanlar. Birinci nəzərdə tutduqları yer varsa - Fələstindir və digər
yerlərin də fikrində var idilər. Sonra I Dünya Müharibəsi başlayır. Mən
burada o zamankı siyasi vəziyyətə qısaca toxunmaq istəyirəm. Siz özünüz
bu zəmində yazılmış kitabları mütaliə edə bilərsiniz. O vaxt müttəfiq
olan dövlətlərin qoşunları ilə osmanlılar arasında müharibə gedirdi. Mən
osmanlılara bəraət qazandırmıram. Amma hər nə də olsa, ədalətsiz də
olsa müstəqil, vahid bir dövləti təşkil edirdi. Osmanlıların əlindən
cana yığılmış sadəlöhv ərəblər rahatlıqla müttəfiqlərin təhriklərinə
müsbət cavab verdilər. İngilislər onlara qəti söz vermişdilər ki, əgər
daxildən osmanlılara qarşı vuruşsalar, mütləq onlara müstəqillik
verəcəklər. Bu sadəlöhvlər də beləcə müharibəyə qoşuldular. Eyni zamanda
ingilislər yenicə təşkil olunmuş sionistlərlə bağladıqları müqaviləni
bir az da möhkəmləndirərək onlara dedilər ki, Fələstini veririk sizə.
Düz islam dövlətlərinin mərkəzində.
Birləşmiş Millətlər
Təşkilatı yaranır. Burada "ədalətə” siz baxın! BMT öz iclaslarından
birində qərar çıxartdı ki, dünyanın bir çox, məxsusən də osmanlılardan
ayrılmış millətlər inkişafdan geri qaldıqları üçün onlara mütləq qəyyum
təyin olunmalıdır. O qəyyumlar bunları idarə etməlidir. Yəni həqiqətdə
osmanlılardan qalmış irsi bölmək istəyirdilər. Elə belə də oldu. Bir
hissəsini fransizlara, bir hissəsini də ingilislərə verdilər. İngilisin
zəbt elədiyi yerlərdən biri də həmin Fələstin oldu. Dedi mən sizin
qəyyumunuzam və sizi himayə edəcəyəm. Rəsmi şəkildə oldu hami. Sonra da
gəldi yəhudilərlə müqavilə bağladı. Tarixdə var, Balfor müqaviləsi. Dedi
mən bu torpaqları verdim sizə. Kimlərə? Yəni yüz illərdən, min illərdən
dünyanın hər tərəfinə yayılmış, özü də müxtəlif irqlərdən təşkil
olunmuş sionistlərə!
Hətta mən özüm də elə bilirdim ki,
indiki yəhudilərin hamısı bəni-İsrailin nəslindəndir. Amma indi görürəm
ki, tarix bu məsələyə şübhə ilə yaraşır, deyir ki, bu söz yalandır.
Əslində indi ki, yəhudilərin çoxu bəni-İsrailin nəslindən deyil. Onları
birləşdirən cəhət təkcə məzhəbləri və dinləridir və irqlləri də xalis
qalmayıb. Onların dünyanın müxtəlif nöqtələrindən axışıb bu torpaqlara
gəlmələrinə səbəb də Qərb dövlətləri tərəfindən hücumlara məruz
qalmaları olmuşdur. Və onlar da buna son qoymaq üçün nisbətən əmin bir
yer axtarırdılar. Eyni zamanda müqəddəs kitabları da onlara əgər həyatda
müxtəlif çətinliklərlə qarşılaşsalar, istədikləri hədəflərə nail olmaq
üçün bu yolda hər bir vəsilədən istifadə etmələrinə tam icazə verirdi.
O vaxt Fələstində əlli mindən artıq yəhudu yaşamırdı. Yəni
Fələstində yaşayan yerli yəhudilərin sayı 50 mindən artıq olmazdı və
indi də həmin yerli yəhudilərdir ki, həddən artıq çətin şəraitdə
yaşayırlar. Avropadan və Amerikadan mühacirət etmiş yəhudilərin
törətdikləri cinayətlərə məruz qalanların bir qismi də həmin torpaqlarda
yaşamağa haqqı olan yerli yəhudilərdir. Sonra ingilislər onların
mühacirəti üçün tədarük gördü və ardı-arası kəsilmədən axın başladı.
Onlarda bir tərəfdən başladılar torpaqları almağa. Ərəblərin içərisindən
bir qrup ağıllı insanlar buna dözməyib ayağa qalxdılar. Müxalifət
edənləri amansızcasına qırıb-çatdılar. Mühacirlərin sayı günü-gündən
artdı, artdı, artdı. Elə ki sayları çoxaldı, başladılar hamıya silah
paylamağa. Bundan sonra düşdülər yerli müsəlamanların canına. Vurdular,
öldürdülər, yurd-yuvalarından çıxartdılar, didərgin saldılar. Bu
minvalla Qərb ölkələrindən axın-axın yəhudilər gələməyə başladı.
Ay canım, sizdən soruşuram. Hər gün adlarını eşitdiyiniz nə bilim
Mürşedayan, Qurdamayen, Veleyeskol, hər nə zəhrimar, baxın görün hardan
gəliblər axı? İndi iddia edirlər ki, bu torpaqlar bizimdir. Hardan
gəliblər? Siz təsəvvür edin, 2,5-3 milyon müsəlman (bu gün üçün – 4,5-5
milyon – "Dəyərlər”) bu gün yaşayışından, ev-eşiyindən ayrılıb didərgin
düşüb. Elə bilirsiniz məqsədləri təkcə orada kiçik bir rejim qurmaqdır?
Çox səhv edirik, çox! Hamımız səhv edirik! Onlar yaxşı bilirlər ki,
balaca bir rejim əvvəl-axır orada çox da ömür sürə bilməyəcək.
Məqsədləri böyük İsraildir ki, hətta sərhədləri bizim ölkəmizə kimi
gəlib çıxa. Mən ki, bu sionistləri tanıyıram, iddia edəcəkləri ki, sizin
ölkəniz də bizimdir.
Elə bilirsiniz onlar Mədinəni iddia
eləmirlər? Mədinəni kənarındakı Xeybərə iddia eləmirlər? Məgər o vaxt
Ruzvelt ərəb şahına təklif etməmişdimi gəlin bu torpaqları siz satın
yəhudilərə?! Elə bilirsiniz onlar müqəddəslərimiz yerləşən İraqı iddia
eləmirlər?!
Vallah bu məsələyə görə cavab verəcəyik.
Məsuliyyət daşıyırıq. Allah and olsun ki, yatmışıq. Mən and içirəm ki ,
bu gün Peyğəmbərin (s) ürəyini sarsıdan məsələ bu məsələdir. Hüseyn ibni
Əlinin (ə) ürəyinə dağ çəkən məsələ bu məsələdir. Əgər biz istəyiriksə
özümüzə qiymət qoyaq, əgər istəyiriksə Hüseyn inbi Əliyə saxladığımız
əzadarlığa qiymət verək, gəlin fikirləşəyin görək, Hüseyn ibni Əli (ə)
bu gün həyatda olsaydı və desəydi ki, mənə əza saxlayın, nə deyərdi?
Şüarımız hansı olsun? Əgər Hüseyn ibni Əli (ə) həyatda olsaydı, deyərdi:
"Mənə əzadarlıq saxlamaq istəyirsinizsə, mənə görə sinə-zəncir vurmaq
istəyirsinizsə, sizin bugünkü şüarınız FƏLƏSTİN olmalıdır!” Bu günün
Şümrü Moşe Dayanlardır (sionist rejimin o zamankı baş naziri –
"Dəyərlər”). Bu Şümr lənətlik 1300 il bundan qabaq ölüb. Sən bu günün
şümrünü tanı. Bu gün bu məsələdən bütün müsəlman ölkələri lərzəyə
gəlməlidir.
Hey bizim başımızı aldadırlar ki, bu ərəblərlə
yəhudilərin daxili bir məsələsidir. Əgər daxili bir məsələdirsə, bəs
onda nəyə görə xaricdən sionistlər hər vaxt onlara pul göndərir? Nəyə
görə? Bəs biz müsəlmanlar nə haqda düşünürük? Peyğəmbərin (s) qarşısında
nə cavab verəcəyik? Neçə gün əvvəl qəzetdə oxumadınız ki, keçən il
dünyanın ayrı-ayrı yerlərində yaşayan sionistlər – hal-hazırda İsrail
pasportu daşıyan yəhudiləri demirəm – bəli, dünyanın ayrı-ayrı
ölkələrində yaşayan yəhudilərdən 500 min dollar yığıb İsrailə
göndərdilər. Nə məqsədlə göndərirlər? Göndərirlər ki, "Fantom” (qırıcı
təyyarə - "Dəyərlər”) alıb müsəlmanların başına bomba yağdırsınlar.
Məgər oxumadınız ki, təkcə Amerikada yaşayan sinistlər gündə 1 milyon
dollar rejimə kömək edir?! Bəs biz müsəlmanlar bu barədə nə eləmişik?
And olsun Allaha, özümü müsəlman adlandırmağa xəcalət çəkirəm. Bəs biz
heç bir vəzifə daşımırıq? Heç kömək edə bilmərik? Fələstinlilər müsəlman
deyil? Onların əzizləri yoxdur? Onlar öz hüquqlarını qorumaq üçün ayağa
qalxmayıblar?
Kim deyə bilər ki, bu gün yurd-yuvalarından
didərgin düşmüş fələstinlilərin öz vətənlərinə qayıtmalarına haqqı
yoxdur?! And olsun Allaha, adam onları görəndə ürəyi ağrayır. Mən özüm
Məkkə səfərində olanda onların cavanlarını görmüşəm. Adam onlara baxanda
fəxr eləyir. Dillərindən düşmürdü "İmammüş-Şühəda! İmammüş-Şühəda!”.
Yəni bizim ümidimiz yalnız şəhidlərin qanınadır. "Ümidimiz yalnız
şəhidlərin qanınadır”. Onların içərisində elələri var ki, adi paltara
möhtacdır. Ayaqyalın vuruşurlar və biz heç bir məsuliyyət daşımırıq?!
Mən özüm bir zaman hesablayıb gördüm ki, əgər dünyanın 700 milyon
müsəlman camaatı (bu gün üçün 1miiyard 400 milyon – "Dəyərlər”) gündə
hərəsi 1 dollar kömək etsələr, ildə təxminən 300 milyard dollara yaxın
pul olar!
Quran oxuyan, "Fəzzələllahu mucahidinə bi əmvalihim və əmfusifim. Əlləzinə amənu və hacəru və cahədu fisəbililləhi bi əmvalihi və əmfusihim”. Maddi
kömək ki, eləyə bilərik, niyə eləməyək? Allah and olsun, vacibdir!
Namaz kimi, oruc kimi vacibdir! Quranda buyurulan bu infaq vacib
hökmlərdəndir. Qəbirdə soruşulan suallardan biri də elə bu olacaq ki,
müsəlmanlar arasında olan qardaşlıq borcunu necə yerinə yetirdin?
Peyğəmbər (s) buyurub ki, "hər kəs bir müsəlmanın "Ey müsəlmanlar,
köməyimə yetin” fəryadını eşidib, səsinə səs verməsə müsəlman deyil. Mən
onu müsəlman bilmirəm”.
Nə olar biz də bankda bir hesab
açıb gəlirimizin az bir miqdarını onların hesabına keçirək?! Nə olar?!
Nə üçün bütün dünya sionistləri israil rejiminə yardım edir və əvəzində
dünya ictimaiyyəti tərəfindən diribaş, uzaqgörən və oyaq millət kimi
qələmə verilir, amma biz eləməyək? Niyə axı?
Həmişə hazır və
oyaq o millətdir ki, fürsətdən düzgün istifadə etsin. Dərdi tanıtsın,
indiki vəziyyətdən xəbərdar olsun. Mən vəzifəmi yerinə yetirdim. Mənim
vəzifəm demək idi və Allah bilir ki, mənə bunları deməyə vadar edən
yalnız vicdanım idi. Mən öz vəzifəmi və həm də sizin vəzifənizi yaxşı
bilirəm. Həmçinin maddi kömək eləməyi özümə borc bilirəm və hər xətib və
vaiz üçün bunları deməyi vacib bilirəm”.
Mehdi Fərəc
İmam Sadiq (ə) adına İslam Maarifi Akademiyası
«Dəyərlər» Dini Jurnalistika Məktəbinin dinləyicisi
|