Ayətullahul-Üzma Cavadi Amuli bir qrup təbliğatçılarla
görüşündə bildirib ki, yalan və fırıldaqlar cəmiyyətə hakim olarsa,
deməli, zühur yaxın deyil. Niyəsi isə ona görədir ki, İmam Zaman(ə.f)
zühur etdikdə camaatı öldürməklə islah etməyəcək. Əksinə onların islahı
əqllərinin inkişafı ilə bağlıdır. Daha sonra Quran müfəssiri buyurub: rəvayətdə buyrulmuşdur ki,
وضع الله یَدهُ علی رئوس الأعلام فَیَکْمُل بها عقولهم
yəni,
İmam Zaman(ə.f) camaatın başına əl çəkməklə əlinin bərəkətilə camaatın
əqli və düşüncəsi kamilləşər. Yoxsa belə deyil ki, İmam(ə.f) zühur
edəcək və camaatı qətl etməklə onları islah edəcək. Hal-hazırda dünyada 7
mlrd. insan yaşayır. Məgər İmam(ə.f) onların hamısını qətl edəcək. Fərz
edək ki, 4 mlrd. nəfəri öldürdü, məgər qalan 3 mlrd. nəfər
müharibələrdən və fəsaddan əl çəkəcək ki? Məgər cammatı öldürməklə islah
etmək olar?
Quran müfəssiri yalanın İmama Zamanın(ə.f)
zühurununun gecikməsinə nişanə olduğunu deyərək buyurub: Rəvayətdə
buyrulub ki, İmam(ə.f) zühur edən zaman camaatın əqli yüksələr. Və
imam(ə.f) camaatı qılınc və öldürməklə yox, özü kimi 313 nəfər şagirdlə
islah edər. Bəli, mümkündür bir neçə nəfərlə bu işdə ona mane
olduqlarına görə cihad edilsin amma hədisdə buyrulduğu kimi camaatın
əqlləri kamiləşmiş olacaq ki, aqil insanları da idarə etmək çətin deyil.
Hal-hazırda
Yaxın Şərqdə qırğınları özünüz də görürsüz deyən mərcei-təqlid burub:
Əgər həmin camaat və ümumiyyətlə, 7 mlrd. insan aqil olarlarsa, onları
idarə etmək İmamın(ə.f) özü kimi olan şagirdlərinə çətin olmaz.
Sonda
Ayətullah Cavadi Amuli bildirib ki, biz bilmirik zühur indi ya bir an
sonra yaxud da bir il sonra olacaq amma gərək həmişə buna hazır olaq.
Bir də bilməliyik ki, yalan və fırıldaqların cəmiyyətdə olması onu
göstərir ki, zühurun yaxın olması fikri düz deyil.