Peyğəmbəri-Əkrəm (s) Əmirəlmömininə (ə) buyurdu: "Üç şey mənim ümmətimin imkanı xəricindədir (yəni çox çətindir):
1.Var-dövləti mömin qardaşlarla paylaşmaq;
2.Özün üçün istədiyini camaat üçün də istəyib, özün üçün bəyənmədiyini onlar üçün də bəyənməmək;
3.Hər vaxt və bütün hallarda Allahı zikr etmək. Zikr dedikdə məqsəd
təkcə "sübhanəllah”, "vəlhəmdu lillah”, "la ilahə illəllah”, "əllahu
əkbər” kəlmələri deyil. Əksinə, həqiqi zikr bundan ibarətdir ki, haram
bir iş qarşıya gəldikdə Allahı yad edərək Ondan qorxub həmin işi tərk
edəsən.”
Əmirəlmöminin (ə) buyurur: "Subhan Allaha səhv və qəflət üzündən zikr
demə və Onu unutma. Allaha kamil zikr de. Belə ki, qəlbinlə dilin
bir-birilə uyğun olsun, batinin zahirinlə uyğun gəlsin. Allahı yalnız o
halda həqiqi zikr edərsən ki, zikr halında özünü unudasan və işi yerinə
yetirərkən özünü görməyəsən.”
İmam Cəfər Sadiq (ə) buyurur: "Hər kəs Allahı doğrudan yad etsə, Ona
müti olacaqdır. Hər kəs Allahdan qafil olsa günaha batacaqdır. Allaha
itaət etmək hidayət, günaha düşmək azğınlıq əlamətidir. Zikr itaətin,
qəflət isə günahın mənşəyidir…”
http://haqqyolu.com