Bütün dünya müsəlmanları bu ayda Kərbəla şəhidlərinə yas tutur. Lakin
yas mərasimlərində bəzi xurafat xarakterli əməllər həyata keçirilir ki,
din alimləri bu əməllərin qadağan edildiyini dəfələrlə bəyan ediblər. İnterAz məhərrəm ayında bəzən həyata keçirilən bir sıra əməllərlə bağlı fətvaları diqqətinizə çatdırır. Alimlərin verdikləri fətvalara əsasən, yas mərasimləri zamanı zəncir vuraraq, qan çıxartmaq və baş yarmaq qadağan edilib. Ayətullah Seyyid Əli Xamneyi:
"Qılıncla baş yarmaq, uydurma bir əməldir və dinlə əlaqəsi olmayan
işlərdəndir. Heç şubhə yoxdur ki, Allah da onun edilməsinə razı deyil.
Ümumiyyətlə məzhəbin zəifləməsinə və onun qeyri-ciddi bir şəkildə
tanıtdırılmasına səbəb olan əməllərə icazə verilmir.” Mərhum Ayətullah Seyyid Əbul-Həsən İsfahani: "Qılıncla baş yarmaq, zəncir vurmaq haramdır.” Mərhum Ayətullah Seyyid Möhsün Həkim: "Qılıncla baş yarmaq, dini deyil və savabı yoxdur. Bu iş İslam, müsəlmanlar və Əhli-Beytin zərərinədir”. Mərhum Ayətullah Seyyid Əbul Qasim Xoi:
"Qılıncla baş yarmaq haqqında heç bir sübut yoxdur və onun müstəhəb
(savab gətirən əməl) sayılması üçün heç bir yol mövcud deyil”. Mərhum Ayətullah Seyyid Möhsün Əmin Cəbəl Amuli:
"Qılıncla baş yarmaq və yas mərasimlərində bu qəbildən olan əməllər
ağıl hökmünə və şəriətə görə haramdır. Dünyada faydası olmayan və
axirətdə də savabı olmayan başı yaralamaq, cana əziyyət etməkdir ki, bu
da şəriətdə haramdır. Bu əməl Əhli-Beyt tərəfdarlarının xalqın gözündən
düşməsinə və onları vəhşi simada əks etdirilməsinə səbəb olmuşdur. Heç
şübhə yoxdur ki, bu kimi əməllər şeytan vəsvəsələrindən qaynaqlanır və
Allahın, Peyğəmbərin və Əhli-Beytin razılığı yoxdur. Əlbəttə bu
əməllərin adlarını dəyişdirmək onun mahiyyətini və şəriətdə haram
olmasını dəyişdirə bilməz.” .i Mərhum Ayətullah Şəhid Seyyid Muhamməd Baqir Sədr: "Bu kimi işlər, cahil insanların işidir və alimlər davamlı olaraq bu kimi işləri qadağan etmiş və haram olduğunu demişlər.” Mərhum Ayətullah Fazil Lənkərani:
"Qılıncla baş yarmaq mövzusu, xalqın İmam Hüseynə daha çox maraq
göstərməsinə və onun müqəddəs hədəflərinə çatdırmadığı kimi, pis
nəticələr verməsinə də səbəb olur. Bu səbəbdən İmam Hüseyn məktəbinə
bağlı müsəlmanlar bu işlərdən uzaq durmalı, hətta nəzir etmiş belə
olsalar nəzirləri düzgün olmayacaq”. Mərhum Ayətullah Şəhid Mürtəza Mütəhərri: "Bu kimi mərasimlər Ortodoks xristianlarının mərasimlərindən qaynaqlanmışdır”. Mərhum Ayətullah Məhəmməd Cavad Muğniyə: "Xoş olmayan bu işlər, bidətdir (sonradan qondarma). Din və məzhəbdə yeri yoxdur”. Mərhum Ayətullah Meşkini:
"Bu kimi işlər İslam şəriətində qəbul edilməmişdir, hətta bunlardan
bəziləri zatən haramdır. Müsəlmanlar, bu çeşid əməlləri İmam Hüseynin
yas mərasimlərinə daxil etməkdən çəkinməlidirlər”. Ayətullah Cavadi Amuli:
"İslamın zorakı din kimi tanınmasına və matəm məclislərinə təhqirə
səbəb olan əməllərə icazə verilmir. Qılıncla baş yarmaq və bunun kimi
əməllərdən uzaq durmaq tövsiyə edilir”. Ayətullah Məkarim Şirazi:
"Yas və matəm məclisləri elə bir şəkildə olmalıdır ki, islam
düşmənlərinin bəhanə gətirmələrinə və sui-istifadə etmələrinə səbəb
olmamalıdır. Mərasimlərin ciddiliyi qorunmalıdır. Bununla bağlı məzhəbin
ləkələnməsinə səbəb olacaq işlərdən – sinə və baş yarmaq, kəsici
alətlər vasitəsilə zəncir vurmaq – cəkinin”. Ayətullah Məzahiri İsfahani: "Qılıncla baş yarmaq və bunun kimi işlərə icazə verilmir". Ayətullah Seyyid Kazım Hairi: "Qılıncla baş yarmaq kimi xurafatlar, İslamın pis tanınmasına səbəb olur”. Ayətullah Nuri Həmədani: "Yas tutan əzizlər, qılıncları öz başlarınıza vurunca islam torpağlarını işğal etmiş insanlara qarşı mübarizə aparsınlar”. Ayətullah Şeyx Muhamməd Yaqubi:
"Ağıldan kənar əməllərin edilməsi, cana zərər vermək və ya din və
Əhli-Beyt məktəbinə xəyanət və təhqirə səbəb olacaq işlərə icazə
verilmir. Bununla bağlı xəncər vurmaq və kəsici alətlərlə bədəndən qan
çıxartmaqdan çəkinmək lazımdır”. Ayətullah Muhamməd Mehdi Asifi:
"Bu işlər Aşura ismarıcının xalqa çatmasında pis təəssurat yaradır və
İmam Hüseyn ardıcıllarının hörmətdən düşməsinə səbəb olur”. Ayətullah Seyyid Əli Sistani: "Yas və matəmə ləkə gətirəcək işlərdən çəkinək lazımdır”. Mərhum Ayətullah Mirzə Cavad Təbrizi:
"Yas tutan əzizlər məzhəbin ləkələnməsinə və islam düşmənlərinin
sui-istifadə etməsi üçün zəmin yaratmamalıdırlar. Yas mərasimi elə bir
şəkildə keçirilməlidir ki dinin adına ləkə gəlməsin”. http://interaztv.com
|